نئی دہلی:(ایجنسی)
نئے ویرینٹ اومیکرون کے خطرے کے سبب دہلی سرکار نے کرسمس اورنئے سال کی تقریباً کے لیے کسی بھی اجتماع پر پابندی لگا دی ہے ۔ ڈی ڈی ایم اے نے اس سلسلے میں باضابطہ حکم جاری کیا ہے۔ کسی بھی قسم کے ثقافتی پروگراموں، اجتماعات پر پابندی لگا دی گئی ہے۔ضلع انتظامیہ کے افسران اور دہلی پولیس کے افسران کو حکم پر عمل کرنے کی ہدایت دی گئی ہے۔ اس کے ساتھ ہی ضلع انتظامیہ سے روزانہ رپورٹ کرنے کو کہا گیا۔ ڈی ڈی ایم اے کا یہ حکم ملک کی راجدھانی میں کورونا کے نئے ویرینٹ اومیکرون کے بڑھتے ہوئے معاملات کے پیش نظر آیا ہے۔ اس کے ساتھ ہی مارکیٹ ٹریڈ ایسوسی ایشن سے کہا گیا ہے کہ وہ دکانوں پر نو ماسک، نو انٹری کو نافذ کریں۔
غور طلب ہے کہ راجدھانی دہلی میں کورونا کے نئے کیسز کی تعداد بڑھ رہی ہے۔ کچھ عرصہ پہلے دہلی میں روزانہ 50 سے کم کورونا کیسز درج ہو رہے تھے، اب یہ تعداد بڑھ کر 100 اور اس سے زیادہ ہو گئی ہے۔ منگل کو دہلی میں گزشتہ 24 گھنٹوں میں 102 کیسز درج ہوئے اور کورونا انفیکشن کی شرح 0.2 فیصد تک پہنچ گئی ہے۔ منگل کو کورونا انفیکشن کی وجہ سے ایک مریض کی موت ہوگئی، اس کے ساتھ ہی دہلی میں کورونا سے مرنے والوں کی کل تعداد 25,102 تک پہنچ گئی ہے۔
اومیکرون ویرینٹ کے بارے میں بات کریں تو اس کے ملک میں اب تک 200 سے زیادہ کیسز رجسٹر ہو چکے ہیں۔ ملک میں اومیکرون کے کل کیسز 213 ہو گئے ہیں۔ تاہم اب تک 90 مریض ٹھیک ہو چکے ہیں۔ وزارت صحت نے بدھ کو کہا کہ دہلی میں سب سے زیادہ 57 معاملے ہیں۔ اس کے بعد مہاراشٹر میں 54 کیس رپورٹ ہوئے ہیں۔
