ناگپور : (ایجنسی)
سپریم کورٹ کے سابق چیف جسٹس ایس اے بوبڈے منگل کو راشٹریہ سویم سیوک سنگھ (آر ایس ایس) کے بانی ڈاکٹر کیشو بلیرام ہیڈگیوار کے گھر پہنچےتھے۔ یہاں سے سابق سی جے آئی بوبڈے سیدھے سنگھ ہیڈ کوارٹر گئے ، جہاں ان کی ملاقات آر ایس ایس کے سربراہ موہن بھاگوت اور سنگھ کے سابق سہ کاریہ واہ بھیاجی جوشی سے ہوئی ۔
آر ایس ایس کے بانی ڈاکٹر ہیڈگوار یکم اپریل 1889 کو ناگپور میں پیدا ہوئے تھے۔ انہوں نے 1925 میں دسہرہ کے دن آر ایس ایس کی بنیاد رکھی تھی۔ انہوں نے 21 جون 1940 کو 51 سال کی عمر میں آخری سانس لی تھی۔
سابق سی جے آئی ایس اے بوبڈے بھی ناگپور کےرہنے والےہیں۔ منگل کوسابق چیف جسٹس بوبڈے ڈاکٹر ہیڈگوار کی رہائش گاہ پر پہنچے۔ یہ وہی گھر تھا جہاں ڈاکٹر ہیڈگوار رہا کرتے تھے۔ اس دوران جسٹس بوبڈے کے ساتھ ان کے ہم جماعت پروفیسر ہیمنت جام بھیکر بھی تھے۔ آج تک سے بات کرتے ہوئے انہوں نے بتایا کہ سابق چیف جسٹس کو ناگپور میں اپنے گھر کی رینیویشن کرانا ہے ، اس لئے انہیں دیکھنا تھا کہ ڈاکٹر ہیڈگیوار کے پرانا گھر کس طری رینیویٹ کیا گیا ہے ۔
کچھ عرصہ یہاں رکنے کے بعد جسٹس بوبڈے یہاں سے چلے گئے۔ ناگپور کے محل عاقے میں ہی آر ایس ایس کا دفتر بھی ہے ۔ سابق سی جے آئی بوبڈے آر ایس ایس دفتر بھی پہنچے تھے، جہاں انہوں نے آر ایس ایس سربراہ موہن بھاگوت اور بھیا جی جوشی سے بھی ملاقات کی۔
جسٹس ایس اے بوبڈے 18 نومبر 2019 سے 23 اپریل 2021 تک ملک کے 47 ویں چیف جسٹس رہے۔ 24 اپریل 1956 کو ناگپور میں ہی جسٹس بوبڈے کی پیدائش ہوئی تھی ۔
