روہتک :(صابر حسین قاسمی)
روہتک واقع رہائش گاہ پر اونتی ہڈا کے پریوار کی طرف سے ایک سادہ پروقار تقریب کا اہتمام کیا گیا، جس میں ریاست ہریانہ کے کانگریس پارٹی کے سابق وزیر اعلیٰ بھوپیندر سنگھ ہڈا پہنچے۔ اس موقع پر ہریانہ کی نوجوان بیڈمنٹن کھلاڑی اور سب سے کم عمر کھلاڑی اونتی ہڈا کو وزیر اعلیٰ بھوپندر سنگھ ہڈا کی طرف سے بیڈمنٹن کھیل میں بہترین کارکردگی پر مبارکباد دی اور اعزاز سے نواز۔
یہ اطلاع سابق وزیر اعلیٰ بھوپندر سنگھ ہڈا نے اپنے پریس سکریٹری کے ذریعے صابر قاسمی کو دی۔
قابل ذکر ہے کہ حالیہ دنوں میں اونتی ہڈا نے اڈیشہ اوپن بیڈمنٹن ٹورنامنٹ 2022 کا سنگلز ٹائٹل جیتا تھا، جس موقع پر بھوپیندر سنگھ ہڈا ان کی رہائش گاہ پہنچے اور انہیں مبارکباد دی۔ اس موقع پر ہریانہ کانگریس کے سابق وزیر اعلیٰ نے اونتی ہڈا کے روشن مستقبل کی خواہش کرتے ہوئے اپنی نیک تمناؤں کا اظہار کیا اور انہیں آشیرواد دیا۔ بھوپندر سنگھ ہڈا نے ہریانہ کے ابھرتے ہوئے نوجوان کھلاڑی اونتی ہڈا کے بہتر اور روشن مستقبل کی خواہش کرتے ہوئے کہا کہ اسی طرح اونتی ہڈا کو زندگی میں کامیابی حاصل کرنی چاہئے اور ہمارا آشیرواد ہمیشہ اونتی ہڈا کے ساتھ رہے گا۔
