لکھنؤ (ایجنسی)
اترپردیش کے سابق آئی پی ایس افسر امیتابھ ٹھاکر کو یوپی پولیس نے گرفتار کر لیا ہے، امتیابھ ٹھاکر پر مختار انصاری کے کہنے پر ریپ کے ملزم ممبر پارلیمنٹ اتل رائے کو بچانے کے لیے مجرمانہ سازش رچنے کاالزام ہے ۔ ان کے خلاف سپریم کورٹ کے باہر خود سوزی کرنے والی خاتون کو خودکشی پر اکسانےکو لے کر معاملہ درج کیا گیا تھا، جس کے بعد ان کی گرفتاری ہوئی ہے ۔ بتادیں کہ امیتابھ ٹھاکر نے یوپی اسمبلی انتخابات میں سی ایم یوگی آدتیہ ناتھ کے خلاف الیکشن لڑنے کا اعلان کیا ہے۔
بتایا جا رہاہے کہ امتیابھ ٹھاکر کو ایس آئی ٹی جانچ کی رپورٹ کی بنیاد پر گرفتار کیا گیاہے ۔ امتیابھ ٹھاکر کو جمعہ کو جب پولیس پکڑنے پہنچی تو وہ گاڑی میں بیٹھنے سے انکار کررہے تھے ۔ پولیس نے انہیں جبراً گاڑی میں بٹھایا ۔ وہ پولیس افسران سے ایف آئی آر دکھانے کی مانگ کررہے تھے ۔ الزام ہے کہ اس دوران انہوں نے ایک پولیس اہلکار پر ہاتھ بھی اٹھایا ۔ اس واقعہ کا ویڈیو بھی وائرل ہو رہاہے ۔
واضح رہے کہ دہلی میںایک گینگ ریپ متاثرہ خاتون نے سپریم کورٹ کے باہر خود سوزی کی کوشش کی تھی، اس معاملے میں بی ایس پی ممبر پارلیمنٹ اتل رائے پر الزام لگے ہیں۔ اس کے علاوہ متاثرہ نے کئی پولیس افسران پر الزام لگائے ، فیس لائیو میں متاثرہ اور اس کے دوست نے ایس ایس پی امت پاٹھک، سی او امریش سنگھ ، دراوغہ سنجے رائے اور ان کے بیٹے وویک رائے ، سابق آئی جی پر بھی ہراساں کرنے کاالزام لگایا تھا اور امتیابھ ٹھاکر کا بھی نام شامل ہے ۔
بتادیں کہ اتل رائے گھوسی سے بی ایس پی کے ممبرپارلیمنٹ ہیں ۔ 2019 عام انتخابات کےدوران ہی ان پر ریپ کاالزام لگا تھا۔ اتل رائے کو جیل جانا پڑا،حالانکہ ریپ کے الزامات کے بعد بھی وہ الیکشن جیت گئے تھے ۔ اتل رائے یوپی کے نینی جیل میں بند ہیں، انہیں ضمانت نہیں ملی ہے ۔
