گوالیار: مدھیہ پردیش کے گوالیار میں ہائی کورٹ کی ہدایت پر ضلع انتظامیہ نے بڑے پیمانے پر تجاوزات کے خلاف کارروائی کرتے ہوئے صرف آٹھ گھنٹوں میں 74 غیر قانونی مکانات مسمار کر دیے۔ اس مشترکہ مہم میں ضلع انتظامیہ، پولیس، میونسپل کارپوریشن اور ضلع صنعت مرکز کی ٹیموں نے حصہ لیا۔
8 گھنٹے تک جاری رہا بلڈوزر آپریشن
یہ کارروائی نارائن وہار علاقے میں اتوار کی صبح تقریباً 11 بجے شروع ہوئی اور شام 7 بجے تک جاری رہی۔ انتظامیہ نے سڑک پر قائم غیر قانونی تعمیرات کو ہٹا کر پورا راستہ تجاوزات سے پاک کر دیا۔ اس دوران تین جے سی بی مشینیں اور ایک پوکلین مشین استعمال کی گئی۔
74 مکانات غیر قانونی قرار
ایس ڈی ایم یادو کے مطابق جن 74 مکانات کو گرایا گیا، وہ مکمل طور پر غیر قانونی تھے اور سرکاری زمین پر تجاوزات کرکے تعمیر کیے گئے تھے۔ کارروائی کے دوران پولیس کی بھاری نفری تعینات رہی تاکہ امن و امان برقرار رکھا جا سکے، جبکہ مکانات کے مالکان اور متعلقہ افسران بھی موقع پر موجود رہے۔
