علی گڑھ :(ایجنسی)
یوگی حکومت کے وزیر نند گوپال نندی نے علی گڑھ میں میڈیا کے سوالوں کا جواب دیتے ہوئے ایس پی سربراہ اکھلیش یادو کو ٹیپو سلطان کہہ دیا۔ کسی مخصوص مذہب کی سیاست کرنے کے سوال پر انہوں نے کہا کہ سوال کرنے والے خود ہی سوال کر کے کٹہرے میں کھڑے ہیں۔ انہوں نے کہا کہ ملائم سنگھ نے راج گدی اس شخص کو سونپا جس نے کبھی محنت نہیں کی۔ اکھلیش یادو کو ’ٹیپو سلطان‘ بنا دیا ۔
ایجنسی کے مطابق وزیر نند گوپال نے کہا کہ ایس پی سربراہ اکھلیش یادو نے پورے 5 سال لیپ ٹاپ پر ویڈیو گیمز میں گزارے۔ نند گوپال نندی نے کہا کہ اکھلیش یادو یوپی میں غنڈہ گردی کو انتہا پر پہنچا دیا۔
انہوں نے کہا کہ آج اکھلیش یادو مسلم ووٹ حاصل کرنے کے لئے تمام برعکس بیانات دے رہے ہیں۔ وہ کبھی جناح کو ایک رول ماڈل کے طور پر بتادیتےہیں۔ وزیر نے کہا کہ میں ٹونٹی جیسی چھوٹی بات نہیں کروں گا، کیونکہ وہ مشہور ہے۔ میں وہ بات بھی نہیں کہوں گا جو کہ وہ بی جے پی کی ویکسین ہے ،ہم نہیں لگوائیں گے ۔
