نئی دہلی :(ایجنسی)
آدھار کارڈ ایک بہت اہم دستاویز بن گیا ہے۔ اس کے بغیر سرکاری اسکیموں کا فائدہ نہیں ملتا، ساتھ ہی یہ بینکنگ کے کاموں کی شناخت کا ذریعہ بنا ہوا ہے۔ کئی بینکوں نے KYC کے لیے بھی آدھار کارڈ کو لازمی قرار دیا ہے۔ اس کے علاوہ اگر آپ کو پاسپورٹ، ڈرائیونگ لائسنس، ہاؤس رجسٹری، کووڈ ویکسین یا انکم ٹیکس ریٹرن فائل کرنا ہے تو اس کے لیے آدھار کارڈ کی ضرورت ہوتی ہے۔
آدھار ایک منفرد شناختی نمبر ہے، جسے جنوری 2009 میں شروع کیا گیا تھا۔ آدھار کے لیے ڈیٹایو آئی ڈی اے آئی کے سرورمیں محفوظ کیا جاتا ہے، جو حکومت ہند کے ذریعہ قائم کردہ ایک قانونی اتھارٹی کا ادارہ ہے۔ UIDAI مرکزی وزارت الیکٹرانکس اور انفارمیشن ٹیکنالوجی کے دائرہ اختیار میں آتا ہے۔ لیکن کافی عرصے سے فرضی آدھار کے معاملے سامنے آرہے ہیں۔ حال ہی میں UIDAI نے بازار میں بنے PVC آدھار پر پابندی لگا دی ہے۔ ایسی حالت میں اگر آپ بھی اپنا آدھار کارڈ چیک کرنا چاہتے ہیں تو ہم یہاں آن لائن طریقہ بتانے جارہے ہیں۔
UIDAI کے پاس سے آئی شکایت -آدھار کی افادیت دنوں -دن تیزی بڑھ رہی ہے اور اس کے ساتھ جڑی دھوکہ دہی بھی تیزی سے بڑھ رہی ہے۔UIDAI نے بھی اس بارے میں خبردار کیا ہے، جس میں کہا گیا ہے کہ تمام 12 ہندسوں کے نمبر آدھار نہیں ہوتا۔ اس لیے آدھار کی شناخت کرنا لازمی ہو گیا ہے۔ جس کا آپ کو آسان طریقہ معلوم ہونا چاہیے۔
اصلی اور نقلی آدھار کی شناخت کیسے کی جائے
سب سے پہلے UIDAI پورٹل uidai.gov.in پر جائیں۔
یہاں ‘My Aadhaar’ پر کلک کریں۔
My Aadhaar پر کلک کرنے کے بعد آپ کے سامنے اس سے جڑی تمام سروس کی لسٹ کھل جائے گی۔
اس لسٹ میں Verify an Aadhaar Number پر کلک کریں۔
اس کے بعد 12 ہندسوں کا آدھار نمبر درج کریں اور کپچا کی تصدیق کریں۔
اب Proceed fo Verifyپر کلک کریں۔
اگر آپ کے ذریعہ درج کیا گیا موبائل نمبر درست ہے تو اس پر ایک نیا پیچ پر بھیج دیا جائے گا۔
اس میسیج میں آدھار کارڈ نمبر کے ساتھ عمر، جنس اور ریاست جیسی معلومات ہوں گی۔
یہاں ذکر ہو گا کہ کیا اسے پہلے جاری کیا گیا تھا۔
اگر کارڈ کبھی جاری نہیں کیاگیا تو یہ واضح ہے کہ جس کارڈ کے لیے تصدیق طلب کی گئی ہے وہ نقلی ہے۔
