پریاگ راج :(ایجنسی)
بہار میں ریلوے امتحانات میں دھاندلی کے الزام کے بعد ہنگامہ کی آنچ اتر پردیش تک پہنچ گئی ہے۔ جب پریاگ راج میں طلبہ نے اس معاملے پر مظاہرہ کیا تو پولیس ہاسٹل میں گھس گئی اور ان کی بے رحمی سے پٹائی کی۔
ریلوے کا امتحان دینے والے طلبہ نے منگل کی دوپہر پریاگ راج میں پنچایت بلائی اور پریاگ اسٹیشن پر بڑی تعداد میں جمع ہوئے۔ طلباء نے نعرے لگائے اور ریلوے ٹریک پر دھرنا دیا۔
طلباء نے احتجاج کرتے ہوئے کانپور انٹرسٹی کو بھی روک دیا۔ اس کے بعد پولیس موقع پر پہنچی اور طلبہ کو ٹریک سے ہٹانے کی کوشش کی۔مقامی اخبارات کے مطابق پولیس کی کئی ٹیمیں ہاسٹلز، لاجز میں گھس گئیں اور طلبہ پر لاٹھی چارج کیا۔ پولیس نے طلبا ء کو دوڑا – دوڑا کر پیٹا۔ واقعے کی کئی ویڈیوز بھی منظر عام پر آئی ہیں۔ کئی مقامات پر لاج میں مقیم طلبہ کے سامان کی توڑ پھوڑ کی گئی اورپولیس کی پٹائی سے بچنے کے لیے طلبا دیوار پھاند کر بھاگنے پر مجبورہوئے۔ پٹائی میں ایک درجن سے زیادہ طلبا نے ہنگامہ کیا اور پولیس پر پتھراؤ بھی کیا۔ پولیس اس معاملے میں رپورٹ درج کر جانچ کررہی ہے ۔
کانگریس جنرل سکریٹری پرینکا گاندھی واڈرا نے پولیس کے ہاسٹل میں داخل ہونے اور طلباء کی پٹائی کا ویڈیو ٹویٹ کیا ہے۔
