نوئیڈا:(ایجنسی)
محکمہ انکم ٹیکس نے قومی خطہ راجدھانی ( این سی آر ) کےبڑے بلڈر میں شمار اجے چودھری کے ٹھکانوں پر ریڈماری ہے۔ انکم ٹیکس افسرصبح سے ہی اے سی ای گروپ کے نوئیڈا،دہلی اورآگرہ میں واقع دفاتر میں بڑے پیمانے پر چھاپہ ماری کررہے ہیں۔ اجے چودھری کانام نوئیڈیا کےبڑےبلڈروںمیںشمارکیاجاتاہے ۔ اس کےساتھ وہ سماج وادی پاری کے قریبی بھی بتائے جاتے ہیں ۔
محکمہ انکم ٹیکس کی ٹیم نوئیڈا کے سیکٹر 126 میں واقع اے سی ای بلڈر کے مرکزی دفاتر میں موجود ہے۔ یہ ٹیم اے سی ای انفرا سٹی ڈیولپر پرائیویٹ لمیٹڈ، اے سی ای میگا اسٹریکچرس پرائیویٹ لمیٹڈ، اسٹارلینڈکرافٹ پرائیویٹ لمیٹڈ، اسٹار سٹی بلڈکان پرائیویٹ لمیٹڈ اوراجے رئیل کان انڈیا پرائیویٹ لمیٹڈ کے دفترمیں تلاشی کررہی ہے۔ اس کےعلاوہ باغپت کے کھیڑا تھانہ علاق میں واقع مہرپور گاؤں میں اجے چودھری عرف سنجو کےفارم ہاؤس پر بھی انکم ٹیکس محکمہ کی ٹیم کےڈپٹی ڈائریکٹر راجیو پرساد ساتھ محکمہ کے 7 ممبراور 9 پولیس اہلکار موجود تھے۔
انکم ٹیکس ذرائع کے مطابق اے سی ای گروپ کے سربراہ اجے چودھری کافی عرصے سے انکم ٹیکس کے ریڈار پر تھے۔ اسی دوران پرفیوم کے تاجر پشپ راج جین کے گھر پر کچھ دن پہلے چھاپے کے دوران کچھ اہم اطلاعات موصول ہوئی تھیں، جس کی بنیاد پر یہ چھاپہ مارا جا رہا ہے۔
