نئی دہلی: (ایجنسی)
انٹرنیٹ پر لوگوں کا انحصار بہت بڑھ گیا ہے۔ WhatsApp کو بہت سے لوگ بنیادی فوری پیغام رسانی ایپ کے طور پر بھی استعمال کرتے ہیں۔ وہاٹس ایپ نے حال ہی میں انجان لوگوں سے لاسٹ سین ہائیڈ کرنے کا آپشن دیاتھا۔
کمپنی کا کہنا تھا کہ یہ فیچر یوزر کو انجان لوگوں کی جاسوسی سے محفوظ رکھے گا۔ اگر آپ کو لگتا ہے کہ کوئی آپ پر نظر رکھے ہوئے ہے تو آپ اپنے وہاٹس ایپ میں کچھ سیٹنگز تبدیل کرکے محفوظ رہ سکتے ہیں۔ آپ کو یہاں بتائے گئے وہاٹس ایپ سیٹنگ کو فوری طور پر تبدیل کرنا ہوگا۔
لاسٹ سین
سب سے پہلے آپ اپنا لاسٹ سین بند کریں۔ اگر آپ اسے آف نہیں کرنا چاہتے تو اس کی پرائیویسی بدل کر My contactsکردیں ۔ اس سے نظر رکھنے والے کو آپ کی وہاٹس ایپ آن لائن ایکٹیو یٹی کے بارے میں نہیں پتہ چل پائےگا۔ اسے بدلنےکے لیے آپ سیٹنگ میں جاکر پرائیویسی سیٹنگ میں جاناہوگا ۔
پروفائل فوٹو
اپنی پروفائل فوٹو کوآپ صرف اپنے رابطوں کو دکھائیں ،اس کے لئے آپ کو سیٹنگ میں جاکر پروفائل پکچر کی سیٹنگ میںجاناہوگا۔ اسے دئے گئے آپشن میں سے My contacts پر سیٹ کرلیں۔
گروپ سیٹنگ میں تبدیلی
وہاٹس ایپ نے حال ہی میں یہ فیچر جاری کیا تھا۔ اس سے آپ کو یہ انتخاب کرنے کا آپشن ملتا ہے کہ آپ کو گروپ میں کون ایڈ کرسکتے ہیں۔ اسے آن رکھنے سے آپ کو کوئی رینڈم یوزر کسی وہاٹس ایپ گروپ میں ایڈنہیں کر پائے گا۔ اس کے لیے آپ کو ایپ کی سیٹنگ میں جاکر پرائیویسی سیٹنگ میں جاناہوگا۔ اس کے بعد مائی کانٹیکٹس یا کوئی مخصوص رابطہ سلیکٹ کر سکتے ہیں۔
اسٹیٹس ہائیڈ
اگر آپ وہاٹس ایپ اسٹیٹس پر اپنی سرگرمیاں پوسٹ کرتے رہتے ہیں، تو آپ کو اس میں بھی پرائیویسی لگانے کی ضرورت ہے ۔ اگر آپ کو لگتا ہے کہ کوئی آپ کے اسٹیٹس کے ذریعہ آپ پر نظر رکھ رہا ہے تو ان سلیکٹیڈ یوزرس سے آپ اپنے اسٹیٹس کو ہائیڈ کر سکتے ہیں ۔
اباؤٹ سیکشن
آپ اپنے WhatsApp اباؤٹ سیکشن کو بھی ہائیڈکرسکتے ہیں ۔ اس کے لئے آپ سیٹنگ مینو میں جاکر اکاؤنٹ میں جاکر پرائیویسی سیٹنگ میں جائیں۔ یہاں پر آپ اباؤٹ کے لیے My contacts یاNobodyکے آپشن کو سلیکٹ کر سکتے ہیں ۔
