اتنے سارے اشتہارات، کیا یہ جرم نہیں ہے؟ کیجریوال سرکار کوہائی کورٹ کی پھٹکار!

نئی دہلی :
دہلی میونسپل کارپوریشن (ایم سی ڈی) ملازمین کو تنخواہ اور پنشن کی عدم ادائیگی کے معاملے پر شمالی دہلی میونسپل کارپوریشن کی درخواست پر سماعت کرتے ہوئے دہلی ہائی کورٹ نے اروند کجریوال کی کڑی پھٹکار لگائی ہے۔ ہائیکورٹ نے کہا ،”ہم دیکھ سکتے ہیں کہ حکومت کس طرح سیاستدانوں کی تصویروں کے ساتھ اخباروں میں پورے صفحات کا اشتہار دیتی ہے۔ دوسری طرف ملازمین کی تنخواہ بھی نہیں دی جاتی ہے۔دہلی ہائی کورٹ نے نارتھ ایم سی ڈی کی اس درخواست کو مسترد کرتے ہوئے کہا ہے کہ تنخواہوں اور پنشنوں کا حصول ملازمین یا ریٹائرڈ ملازمین کا بنیادی حق ہے۔ کارپوریشن نے ملازمین کو بقایاجات کی ادائیگی کے لئے مزید وقت کا مطالبہ کیاتھا۔ بینچ نے فنڈ کی کمی کا مسئلہ اور اخباروں میںروز پورے صفحے کے نیتائوں کے اشتہارات دئیے جانے کو لے کر بھی سوال اٹھائے کہ پیسہ کہاں سے آرہا ہے؟ اس وقت اشتہار پر پیسے خرچ کئے جارہے ہیں۔ کیا یہ جرم نہیں ہے۔ ان ملازمین کو تنخواہ دینے سے آپ کی شہرت میں اضافہ ہوگا۔ اس معاملے پر اب اگلی 27 اپریل کو سماعت ہوگی۔