مظفر نگر :(ایجنسی)
راشٹریہ لوک دل(آر ایل ڈی) کے سربراہ جینت چودھری اتوار کو ایک بار پھر کسانوں کی راجدھانی کہی جانے والی سیسولی میں حاضری دی۔ یہاں انہوں نے مہندر سنگھ ٹکیت کو خراج عقیدت پیش کرتے ہوئے امر کسان جیوتی پر گھی پیش کیا۔ اس کے بعد انہوں نے بھارتیہ کسان یونین کے صدر نریش ٹکیت کا آشیرواد لیا۔ خود جینت چودھری نے یہ تصویر عام کرتے ہوئے پیغام دینے کی کوشش کی ہے کہ ٹکیت پریوار کی حمایت ان کے ساتھ ہے۔
اسمبلی انتخابات کے پہلے مرحلے کے لیے ووٹنگ سے صرف چار دن پہلے سامنے آئی اس تصویر نے سیاسی معنی رکھتی ہے اور اس تصویر کے ذریعے یہ بتانے کی کوشش کی گئی ہے کہ ٹکیت پریوار جس بات کو اپنی زبان سے کہنے میں ہچکچا رہے ہیں ۔ بی کے یو کے ترجمان راکیش ٹکیت بی جے پی کو سزا دینے کی بات کرتے ہیں، لیکن اتحاد کی کھل کر حمایت کرنے سے گریز کر رہے ہیں۔ حال ہی میں نریشٹکیت نے اتحاد کے حق میں ووٹ دینے کی اپیل کی تھی لیکن چند ہی گھنٹوں میں انہوں نے وضاحتیں دینا شروع کر دیں۔ نریش ٹکیت کی اس اپیل کے اگلے ہی دن بی جے پی لیڈر اور مرکزی وزیر سنجیو بالیان ان کے گھر پہنچ گئے تھے۔
