لکھنؤ:(ایجنسی)
حال ہی میں بھارتیہ جنتا پارٹی (بی جے پی) میں شامل ہونے کے بعد دہلی سے لکھنؤ پہنچی اپرنایادو نے جمعہ کو سماج وادی پارٹی (ایس پی) کے بانی ملائم سنگھ یادو سے ملاقات کی اور ان سے دعائیں لیں۔ذرائع کے مطابق لکھنؤ پہنچ کر اپرنا نے سب سے پہلے گھر کے سربراہ ملائم سنگھ سے ملاقات کی۔
اس دوران ملائم نے اپنی چھوٹی بہو کو نئی سیاسی اننگ کی کامیابی کے لیے دعا دی۔غور طلب ہے کہ اپرنا نے 19 جنوری کو دہلی میں بی جے پی میں شمولیت اختیار کی تھی۔ اتر پردیش کے پچھلے اسمبلی انتخابات میں، انہوں نے ایس پی کے ٹکٹ پر لکھنؤ کینٹ سیٹ سے الیکشن لڑا تھا۔ انھیں الیکشن میں بی جے پی کی امیدوار ریتا بہوگنا جوشی نے شکست دی تھی۔
اپرنا اور ملائم کی تصویر پر سوشل میڈیا صارفین اپنی رائے دے رہے ہیں۔ کچھ صارفین ان پر طنزیہ انداز میں لکھ رہے ہیں کہ آپ کو ملائم سنگھ کا آشیرواد ضرور ملا ہوگا لیکن آپ کو وجے بھونہیں کہا گیا ہوگا۔ وہیں کچھ صارفین نے تبصرہ کیا کہ ملائم سنگھ آپ سے خوش نہیں لگ رہے ہیں۔ ایک ٹویٹر صارف نے تبصرہ کیا کہ نیتا جی نے ضرور کہا ہوگا – جا اپرنا جا… جی لے اپنی زندگی۔ فلم ساز اشوک پنڈت نے بھی یہی تبصرہ کیا۔
امت راجپوت نامی ٹوئٹر ہینڈل نے تبصرہ کیا کہ یہ ہوتے ہیں بی جے پی کی ثقافت۔ یوں تو ہماری سیاسی نظریے مختلف ہو سکتے ہیں لیکن خاندانی خیالات اور بزرگوں کے احترام کو کبھی فراموش نہیں کرنا چاہیے۔ پون پانڈے نام کے ایک ٹوئٹر صارف نے لکھا – نیتا جی کو یہ بھی معلوم ہے کہ اس بڑھاپے میں اپرنا جی ان کا خیال رکھیں گی اور یہ یقینی ہے۔
راکیش یادو نامی ٹوئٹر صارف نے لکھا کہ یہ سیاسی اسٹنٹ ہے۔ بی جے پی والوں نے کل آفس میںیہی سکھایا ہوگا۔ انوراگ سنگھ نامی ٹوئٹر ہینڈل نے لکھا کہ اب ملائم سنگھ نے بھی اپرنا کو آشیرواد دیا ہے۔ اس طرح بی جے پی کی جیت یقینی ہے۔ سورج یادو نامی ٹویٹر صارف لکھتا ہے- ملائم سنگھ نے کہا ہوگا کہ بابل کی دعائیں لیتے جا، جا تجھ کو بی جے پی میں پیار ملے ۔ جانکاری کے لیے بتادیں کہ اپرنا یادو بدھ کو بی جے پی میں شامل ہوگئیں۔ اس کے بعد انہوں نے کہا کہ وہ قومی مفاد کے کام کو آگے بڑھانا چاہتی ہیں۔
