لکھنؤ : (ایجنسی)
لکھنؤ میں ایک خاتون پولیس اہلکار پر نازیبا تبصرہ کرنے کے ملزم نوجوان نے پولیس اہلکار پر حملہ کردیا اور لوہے کی راڈ سے سر پھوڑ دیا۔ پولیس نےنوجوان کو گرفتار کرلیا ہے ۔
آج تک کی رپورٹ کے مطابق علی گنج تھانہ میں تعینات خاتون پولیس کانسٹیبل پنکی موبائل ڈیوٹی پر تعینات تھی۔ ڈیوٹی کےدوران ایک مکان جس کا نمبر E-1/16علی گنج ہے ۔ اس کے باہر ملزم نوجوان پربھات سنگھ کھڑاہوا تھا، اس نے خاتون کانسٹیبل کو دیکھ کر نازیبا تبصرہ کردیا ۔
خاتون کانسٹیبل نے مخالفت کی اور اسکوٹی روک کر وجہ جاننے کی کوشش کی تو نوجوان نے لوہے کی راڈ سے خاتون کانسٹیبل کے سرپر حملہ کردیا جس کے بعد وہ اسکوٹی سے گر گئی۔
حالانکہ موقع پر موجود کسی دوسرے شخص نے 112 پر پولیس کو اطلاع دی جس کے بعد پہنچی پولیس نے خاتون کو اسپتال پہنچایا اور نوجوان کو گرفتار کرلیا گیا۔ نوجوان کےخلاف خاتون کانسٹیبل سے نازبیا تبصرہ اور جان لیوا حملے کے معاملے میں رپورٹ درج کر کے گرفتار کرلیا گیا ہے ۔ آگے کی کارروائی کی جارہی ہے ۔
اے سی پی علی گنج اکھلیش سنگھ کے مطابق نوجوانوں نے خاتون پولیس پر نازیبا تبصرے کئے تھے اور سرکاری کام میں رکاوٹ ڈالی ہے جس میں متعلقہ دفعات میں مقدمہ درج کرلیا گیا ہے ۔ آگے کی کارروائی کی جار ہی ہے ،کیونکہ نوجوان نے لوہے کی راڈ سے حملہ کیا ہے اور سرکاری کام میں رکاوٹ ڈالی ہے ،اس لئے آئی پی سی کی دفعہ 333,335,354سمیت دیگر معاملوں میں ایف آئی آر درج کرکے ملزم کو گرفتار کرلیا گیا ہے ۔
