مہاراشٹر: پربھنی میں  بورڈ کے وقف ایکٹ کے خلاف احتجاج میں ہزاروں افراد کی شرکت

مہاراشٹر کے پربھنی میں اتوار کو وقف ترمیمی ایکٹ کے خلاف مظاہرے میں ہزاروں افراد نے شرکت کی  یہ پروگرام آل انڈیا مسلم پرسنل لا بورڈ کے زیر اہتمام پربھنی کے عیدگاہ میدان میں منعقد ہوا۔
مقررین میں بورڈ کے صدر مولانا خالد سیف اللہ رحمانی، جنرل سکریٹری فضل الرحیم مجددی، نائب صدر سید سعادت اللہ حسینی، اسد الدین اویسی ایم پی، مولانا اصغر علی امام مہدی سلفی، ڈاکٹر یاسین علی عثمانی، مولانا نظام الدین فخرالدین، ڈاکٹرسید قاسم رسول الیاس،  مولانا فضل الرحمان ۔ مولانا  عبید اللہ خان اعظمی، ایس ڈی پی آئی کے نائب صدر محمد شفیع اور محمود احمد خان وغیرہ قابل ذکر ہیں
مقررین نے پرانی مانگوں کو دہرایا جبکہ ایم آئی ایم کے اسدالدین اویسی نے کہا کہ  "میں مودی جی سے کہتا ہوں کہ آپ وقف بل کو واپس لیں، میں نے پارلیمنٹ میں کہا تھا کہ یہ ایک کالا قانون ہے، وزیر اعظم مودی اپنے فائدے کے لیے یہ قانون لائے ہیں، کیا فڑنویس اس پراپرٹی کو واپس کریں گے؟ یہ قانون ہماری جائیداد چھیننے کے لیے لایا گیا ہے، وقف املاک اللہ کی ہے، بی جے پی کہتی ہے کہ اس بل سے غریب مسلمانوں کو فائدہ پہنچے گا، آپ ہماری مسجد چھیننے کی کوشش کر رہے ہیں، یہ جلسہ بہت پر امن اورڈسپلن والا تھا ،اس موقع پر پہلگام واقعہ کی شدید مذمت کی گئی اور اس میں مارے گئے لوگوں کو خراج عقیدت پیش کیا گیا