مولانا،محمود مدنی کی تلخ بیانی پر میڈیا کا ہنگامہ،بی جے پی بھی میدان میں اتری،اخرکیا کہا

بھوپال جمعیۃ علماء ہند کے سربراہ مولانا محمود مدنی کی بھوپال میں کیے گیے خطبہ کو مین اسٹریم میڈیا نمک مرچ لگا کر اس کو غلط رنگ دینے کی مہم میں جٹ گیا ـ اور مولانا محمود مدنی ٹرینڈ کرریا ہے اور ان کے بیان کو سیاق و سباق سے ہٹاکر پیش کیا جارہا ہے اس میں الیکٹرانک میڈیا پیش پیش ہے ـ ملک کے موجودہ حالات پر انہوں نے جو تبصرے کیے ہیں وہ ایک عام شہری کے تاثرات ہیں ـ مولانا محمود مدنی نے کئی اہم باتوں کو موضوع بحث بنایا لفظ "جہاد” کے بارے میں اٹھائے جانے والے سوالات پر سخت اعتراض کیا۔
جمعیۃ علماء ہند کی نیشنل گورننگ باڈی میٹنگ میں انہوں نے کہا کہ اسلام اور مسلمانوں کے دشمنوں نے جہاد جیسے مقدس تصور کو غلط استعمال، بدنظمی اور تشدد سے جڑے الفاظ میں بدل دیا ہے۔
محمود مدنی نے کہا کہ "لو جہاد،” "لینڈ جہاد،” "تعلیمی جہاد،” اور "تھوک جہاد” جیسی اصطلاحات کے استعمال سے مسلمانوں کو بہت تکلیف ہوتی ہے اور ان کے مذہب کی توہین ہوتی ہے۔ انہوں نے مزید کہا کہ حکومت اور میڈیا میں اقتدار کے عہدوں پر رہنے والے بھی ایسی اصطلاحات استعمال کرتے ہیں۔اور وہ کوئی شرم بھی محسوس نہیں کرتے اور ان کے عمل سے پوری کمیونٹی کو تکلیف پہنچنے کی فکر نہیں کرتے۔ مولانا مدنی نے نے کہ جب جب ظلم ہوگا تب تب جہاد ہوگا۔
دینی مدارس کے خلاف منفی مہم
محمود مدنی نے یہ بھی کہا کہ "ملک کی موجودہ صورتحال انتہائی حساس اور تشویشناک ہے۔ افسوس کی بات ہے کہ ایک کمیونٹی کو قانونی طور پر کمزور کیا جا رہا ہے، سماجی طور پر الگ تھلگ اور معاشی طور پر بے دخل کیا جا رہا ہے۔ ہجومی تشدد، بلڈوزر کی کارروائیاں، وقف املاک پر قبضے، اور مدارس کے خلاف منفی مہمات، مذہب کو کمزور کرنے کے لیے ان کے وجود کو کمزور کیا جا رہا ہے۔”

مسلمان غیر محفوظ محسوس کر رہے ہیں۔انہوں نے کہا، "آج مسلمان سڑکوں پر خود کو غیر محفوظ محسوس کرتے ہیں۔ انہیں ہر قدم پر نفرت کا سامنا کرنا پڑتا ہے۔ اب ہمیں تیار رہنا چاہیے۔ گھر واپسی کے نام پر مذہب تبدیل کرنے والوں کو کھلا ہاتھ ہے۔ ان کے خلاف کوئی سوال نہیں اٹھایا جاتا اور نہ ہی کوئی قانونی کارروائی کی جاتی ہے۔ یہ مکمل دوہرا معیار ہے۔”
 سپریم کورٹ کے فیصلوں پر کیا کہا
محمود مدنی نے سپریم کورٹ پر بھی سوال اٹھایا۔ محمود مدنی نے کہا کہ "کسی بھی ملک میں انصاف کے بغیر امن و امان اور جرائم سے پاک معاشرہ قائم رکھنا ناممکن ہے، افسوس کی بات ہے کہ گزشتہ چند سالوں میں، خاص طور پر بابری مسجد اور تین طلاق جیسے مقدمات کے فیصلوں کے بعد، یہ ایک عام تاثر بن گیا ہے کہ عدالتیں حکومتی دباؤ میں کام کر رہی ہیں۔ آئینی قوانین کی بہت سی تشریحات اور بنیادی اصولوں کے بارے میں سنجیدہ سوالات اٹھائے گئے ہیں۔”
انہوں نے کہا، "سپریم کورٹ صرف اس وقت تک سپریم کہلانے کی مستحق ہے جب تک وہ قانون کو نافذ کرتی ہے اور قانون کی ذمہ داری کو برقرار رکھتی ہے۔ اگر وہ ایسا نہیں کرتی ہے تو وہ اخلاقی طور پر سپریم کہلانے کی مستحق نہیں ہے۔”