کس کی اسکرپٹ ؟مایا وتی نے یوگی کی جم کر تعریف کی ،اکھلیش کو جم کر کوسا،

لکھنؤ: آر کے بیورو 
چار بارملک کے سب سے بڑے صوبے اتر پردیش کی وزیر اعلیٰ رہنے والی مایاوتی اور ان کی بہوجن سماج پارٹی (بی ایس پی) ایک بار پھر سرگرم ہو گئی ہیں۔ بی ایس پی کے بانی کانشی رام کی برسی پر مایاوتی کی پارٹی کی لکھنؤ میں ایک بڑی ریلی میں بہن جی مایا وتی نے بی جے پی اور ہوگی کی جم کر تعریف کی
ریلی سے خطاب کرتے ہوئے بی ایس پی سربراہ مایاوتی نے کہا کہ اس مقام پر مرمت کا کام نہ ہونے کی وجہ سے لوگ پچھلے کچھ سالوں سے کانشی رام کی مورتی کو خراج عقیدت پیش کرنے نہیں آسکے ۔مایاوتی نے یوگی حکومت سے اظہار تشکر کرتے ہوئے کہا کہ اتر پردیش کی موجودہ حکومت ایس پی حکومت جیسی نہیں ہے۔ یوگی حکومت نے ان مقامات کی تزئین و آرائش پر سارا پیسہ خرچ کیا۔ انہوں نے کہا کہ ایس پی حکومت میں ان مقامات کی حالت خراب ہو گئی ہے۔ مایاوتی نے کہا کہ ایس پی حکومت نے ان مقامات کی دیکھ بھال پر ایک پیسہ بھی خرچ نہیں کیا۔
مایاوتی نے کہا کہ اقتدار میں رہتے ہوئے انہوں نے ایک ایسا نظام قائم کیا تھا جس کے تحت ان سائٹس پر آنے والوں سے ٹکٹ کی رقم ان کی دیکھ بھال پر خرچ کی جائے گی۔ ایس پی حکومت نے ٹکٹ کے پیسوں ،میں سے ایک پیسہ بھی خرچ نہیں کیا۔ انہوں نے کہا کہ جب بی جے پی کی حکومت آئی تو انہوں نے اس معاملے کو لے کر وزیر اعلیٰ کو خط لکھا۔ انہوں نے درخواست کی کہ حکومت کی طرف سے جمع ہونے والی ٹکٹوں کی بھاری رقم ان مقامات کی تزئین و آرائش کے لیے استعمال کی جائے۔ ابہن کی نے اس موقع کو بی جے پی کی تعریف کے لیے استعمال کیا اور دلتوں کو پیغام دینے کی کوشش کی جو گزشتہ الیکشن میں ان کے پاس سے کھسک گیے تھے اس طرح سماجوادی کو کم کر کسا اور بتایا کہ ان کا اگلا قدم کیا ہونے والا ہے ـ مایاوتی نے کہا کہ حکومت نے ان کا معائنہ کیا اور ان کی مرمت کی۔
اس کے بعد مایاوتی نے گئیر بدلا اور اکھلیش کو جم کر نشانہ بنایا سماج وادی پارٹی پر نشانہ لگاتے ہوئے، انہوں نے کہا، "جب وہ اقتدار میں ہوتے ہیں تو وہ ہمارے گرو، سنتوں اور عظیم شخصیات کو یاد نہیں کرتے۔ آج جب وہ اپوزیشن میں ہیں، وہ پی ڈی اے کو یاد کر رہے ہیں۔ وہ ہمارے گرو، سنتوں اور عظیم ہستیوں کو یاد کر رہے ہیں۔” مایاوتی نے کہا، "میں اکھلیش یادو سے پوچھنا چاہتی ہوں کہ ہم نے کاس گنج ضلع بنایا اور اس کا نام معزز کانشی رام کے نام پر رکھا، جیسے ہی وہ اقتدار میں آئے، سماج وادی پارٹی نے اس کا نام بدل دیا۔” بابا صاحب ڈاکٹر بھیم راؤ امبیڈکر کا حوالہ دیتے ہوئے انہوں نے کہا کہ انہوں نے کہا کہ طاقت ایک اہم کلید ہے جس کے ذریعے ان طبقات کے لوگ اپنے مسائل حل کر سکتے ہیں اور خوشحالی اور عزت نفس کی زندگی گزار سکتے ہیں۔