ممبئی:(ایجنسی)
ممبئی کے تاڑدیو واقع ایک کثیر منزلہ عمارت میں ہفتہ صبح آگ لگ گئی۔ خبر ہے کہ حادثے میں مرنے والوں کی تعداد بڑھ کر سات ہوگئی ہے۔ وہیں کئی لوگ شدید طور پر زخمی ہیں۔ بتایا جارہا ہے کہ یہ لیول 4 یعنی خطرناک آگ ہے۔ حادثہ کی اطلاع ملتے ہی آگ پر قابو پانے کے لئے فائر بریگیڈ کی 24 گاڑیاں موقع پر پہنچ گئی تھی۔ اس کے علاوہ پانچ ایمبولینس بھی موقع پر ہیں۔ فائر بریگیڈ کے ملازمین مسلسل آگے بجھانے کی کوشش کر رہے ہیں۔
خبر ہے کہ تاڑ دیو میں بھاٹیا اسپتال کے پاس واقع کملا سوسائٹی نام کی 20 منزلہ عمارت میں آگ علی الصبح 7:30 بجے لگی۔ خطرناک آگ کی چپیٹ میں آئی عمارت سے اب تک 19 افراد کو بچایا گیا ہے۔ چار لوگوں کو نائر اسپتال لے جایا گیا تھا، جہاں دو کو مردہ قرار دیا گیا۔ بھاٹیا اسپتال میں داخل 15 میں سے تین کی حالت بے حد نازک ہے۔ وہیں دیگر 12 افراد کو جنرل وارڈ میں رکھا گیا ہے۔ بلڈنگ میں ہی رہنے والی ایک فیملی نے جانکاری دی ہے کہ 19 فلور پر لگی آگ کا اندازہ تب ہوا، جب انہوں نے ڈاکٹ کھولا۔ فیملی نے بتایا کہ ڈاکٹ بری طرح تپ رہا تھا اور اسے کھولنے کے بعد ہی شارٹ سرکٹ اور دھماکے ہونے لگے۔
گزشتہ سال اکتوبر میں ممبئی کے کری روڈواقع ایک کثیر منزلہ عمارت میں آگ لگ گئی تھی، جس میں ایک سیکورٹی گارڈ کی گر کر موت ہوگئی تھی۔ بھاشا میں شائع رپورٹ کے مطابق، مہانگر میں 61 منزلہ ایک رہائشی عمارت کی 19ویں منزل پر آگ لگنے کے بعد ایک فلیٹ سے ایک سیکورٹی گارڈ نیچے گرگیا، جس سے اس کی موت ہوگئی۔ محکمہ فائر بریگیڈ کے ایک افسر نے یہ جانکاری دی۔ سوشل میڈیا پر اس حادثہ کا ایک ویڈیو وائرل ہو رہا ہے، جس میں شخص کو گرنے سے پہلے بالکنی سے لٹکا ہوا دیکھا جاسکتا ہے۔
