نئی دہلی :(ایجنسی)
گزشتہ دنوں ریلیز ہوئی فلم ’دی کشمیر فائلز‘ کی ریکارڈ توڑ کمائی سے تو آپ واقف ہی ہوں گے ۔ کشمیر ی پنڈتوں کے ساتھ ہوئے بربریت کی درد ناک کہانی کو سلور اسکرین پر پیش کرکے ڈائریکٹر وویک اگنی ہوتری نے خوب تعریف حاصل کی۔ اسمال بجٹ میں بنی فلم دی کشمیر فائلز نے کمائی کےتمام ریکارڈ توڑے، فلم کی ایسی کامیابی کو دیکھنے کے بعد ڈائریکٹر وویک اگنی ہوتری نے اب اپنے نئے پروجیکٹ کا اعلان کر دیا ہے ۔
وویک اگنی ہوتری کا نیا پروجیکٹ کیا ہے؟
دی کشمیر فائلز کے بعد وویک رنجن اگنی ہوتری ’دی دہلی فائلز‘ بنائیں گے۔ وویک رنجن اگنی ہوتری نے ٹویٹ پر اپنی نئی فلم کا ٹائٹل دیا ہے۔ انہوں نے ٹویٹ کیا اور لکھا- میں ان تمام لوگوں کا شکریہ ادا کرتا ہوں جنہوں نے کشمیر فائلز بنائی ہیں۔ گزشتہ 4 سال سے ہم نے پوری ایمانداری کے ساتھ محنت کی۔ ہو سکتا ہے میں نے آپ کے TL سپیم کیا ہو لیکن لوگوں کو کشمیری ہندوؤں کے ساتھ ہونے والی نسل کشی اور ناانصافی کے بارے میں بتانا بہت ضروری ہے۔ اب میری نئی فلم پر کام کرنے کا وقت آگیا ہے۔
اگلی ٹویٹ میں وویک اگنی ہوتری نے نئی فلم کا اعلان کرتے ہوئے لکھا- #TheDelhiFiles. وویک اگنی ہوتری کے اس نئے پروجیکٹ کے بارے میں جاننے کے بعد لوگوں کا تجسس بڑھ گیا ہے۔ سوشل میڈیا پر لوگوں کے ردعمل کو دیکھنے کے بعد ایسا لگتا ہے کہ وہ یہ جاننے کے لیے بے چین ہیں کہ وویک اگنی ہوتری دی دہلی فائلز میں کیا دکھانے جا رہے ہیں۔ بہت سے صارفین یہ توقع کر رہے ہیں کہ دہلی فائلز میں وزیر اعلیٰ اروند کیجریوال کو دکھایا جائے گا، اس لیے کچھ لوگوں نے وویک اگنی ہوتری کو نئے پروجیکٹ کے لیے نیک خواہشات کا اظہار کیا ہے۔
