نئی دہلی : (ایجنسی)
دہلی میں آج سے اسکول کھل گئے ہیں۔کورونا ضابطوں اور آلودگی کے حوالے سے گائیڈلائن پر عمل کرایا جا رہا ہے۔ درجہ چھ سے بارہ تک کے بچوں کو اسکول آنے کی اجازت ملی ہے۔ جونیئر کلاسس کے لئے ابھی کسی طرح کی گائیڈ لائن جاری نہیں کی گئی ہے۔ دہلی سرکار کے مطابق سردی آنے سے قبل ہی اسکول کھولے جانے تھے، لیکن کورونا اور فضائی آلوگی کے سبب اسکول نہیں کھولا جاسکا تھا ۔
سردی کے ساتھ ساتھ دھند کا اثر بھی راجدھانی دہلی میں نظر آرہا ہے۔ محکمہ موسمیات کی جانب سے دی گئی معلومات کے مطابق دسمبر کے پہلے پندرہ دنوں کا موسم اس بار چھ سال میں سب سے زیادہ سرد رہا۔ اس کے ساتھ ہی دہلی میں ہوا کا معیار بھی خراب ہے۔ دہلی کا اے کیوآئی یعنی ایئر کوالٹی انڈیکس تین سو انیس درج کیاگیا ہے۔ ایسے میں دہلی کی ہوا کا معیار اب بھی بہت خراب ہے جسے ریڈ زون میں شمار کیاگیا ہے۔
ملک میں کورونا کی رفتار تیز ہے۔ گزشتہ چوبیس گھنٹوں کے دوران ملک میں 7ہزار 145کیسز درج کیے گئے، جبکہ8 ہزار706صحت یاب بھی ہوئے ہیں۔ محکمہ صحت کی جانب سے جاری کردہ اعداد شمار کے مطابق 289افراد کی موت ہوئی ۔ دوسری جانب ملک میں کورونا ویکسینیشن بھی بڑے پیمانے پر جاری ہے۔
