اب غازی پور میں ملیں تیرتی لاشیں

غازی پور:
بہار کے بکسر کے بعد اب اتر پردیش کے غازی پور کے غازی پور میں گنگا کے کنارے لاش ملنے کا معاملہ سامنے آیا ہے ۔ منگل کو غازی پور کے گنگا کنارے کچھ لاشیں نظر آئیں ۔ غازی پور اور بکسر کے درمیان تقریباً 55 کلومیٹر کی دوری ہے۔ بکسر میں پیر کو درجنوں لاشیں پانی میں تیرتی نظر آئی تھیں۔ ان لاشوں کو دیکھنے کے بعد بہار کے افسران نے دلیل دی تھی یہ اترپردیش سے آئی ہیں۔ افسران کے مطابق بہار میں لاشوں کو پانی میں ڈالنے کی روایت نہیں ہے۔ جس طرح اترپردیش کے گرامین علاقوں میں انفیکشن کے معاملے تیزی سے سامنے آرہے ہیں ، اس کے مدنظر لاشوں کے کووڈ انفیکشن ہونے کا خدشہ ظاہر کیا جا رہا ہے ۔
خدشہ ظاہر کیا جا رہاہے کہ کووڈ مریضوں کی موت کے بعد گرامین نے ڈر سے لاشوں کو ندی میں بہہ دیا ہوگا۔ غور طلب ہے کہ گاؤں میں کووڈ مریضوں کی آخری رسومات ادا کرنے میں قوانین پر عمل کرنے کی کمی نظر آرہی ہے۔ ایسے میں ان بات سے انکار نہیں کیا جا سکتا ہے کہ کووڈ انفیکشن ہونے کے بعد لاشوں کو ندی میں بہا دیا گیا ہے ۔ لاشوں کے گنگا کنارے آنے کے بعد مقامی لوگوں میں دہشت کا ماحول ہے کہ آلودہ پانی کی وجہ سے انفیکشن اور تیزی سے پھیلے گا۔ وہیں افسران اس معاملے کی جانچ میں مصروف ہیں۔ غازی پور کے ضلع مجسٹریٹ ایم پی سنگھ نے نیوز ایجنسی اے این آئی سے بات کرتے ہوئے کہاکہ فی الحال ہم جانچ کررہے ہیں یہ لاشیں کہاں سے آئیں ہیں۔
وہیں مقامی مقامی لوگ انتظامیہ پر نظرانداز کرنے کا الزام بھی عائد کررہے ہیں۔ مقامی رہائشی اکھنڈ نے نیوز ایجنسی سے گفتگو کرتے ہوئے کہا کہ ہم نے اس معاملے کے بارے میں حکام کو آگاہ کیا تھا لیکن کوئی کارروائی نہیں کی گئی۔ اگر اسی طرح کے حالات ہیں تو ہمیں ڈر ہے کہ جلد ہی ہم بھی کورونا انفیکشن کی زد میں آجائیں گے۔