کابل 🙁 ایجنسی)
پورے افغانستان پر کنٹرول کے باوجود ایک علاقہ ایسا تھا جو طالبان کے کنٹرول سے باہر تھا۔ طالبان نے اب اس علاقے پر بھی کنٹرول کرنے کا دعویٰ کیاہے ۔ طالبان کی جانب سے دعویٰ کیا گیا ہے کہ پنج شیر پر قبضہ کرلیا گیاہے ۔
طالبان کے ایک ترجمان نے اتوار کو کہاکہ پنچ شیر کےہر ضلع ہیڈ کوارٹر ،پولیس اسٹیشن اور تمام دفاتر پر قبضہ کرلیا گیاہے ۔
دریں اثناء افغانستان کی پنج شیر ویلی میں طالبان جنگجوؤں کی پیش قدمی جاری ہے، جہاں طالبان آگے بڑھ کر انابا کے علاقے میں پہنچ گئے۔اطالوی امدادی ایجنسی کے مطابق پنج شیر میں شدید لڑائی کے باوجود ہمارے آپریشن میں کوئی رکاوٹ نہیں آئی ہے۔
ایڈیٹر امریکی لانگ وار جرنل کے مطابق پنج شیر میں ابھی بھی غیر یقینی صورتِ حال ہے۔ ایڈیٹر امریکی لانگ وار جرنل کا مزید کہنا ہے کہ کئی اضلاع پر طالبان کے قبضے کی اطلاعات ہیں لیکن یہ تصدیق شدہ نہیں ۔ دوسری جانب مزاحمتی فورسز کے ترجمان علی میثم نظارے کا کہنا ہے کہ ہماری مزاحمت کبھی ناکام نہیں ہو گی۔ غیر ملکی خبر ایجنسی کے مطابق امر اللّٰہ صالح بھی پنج شیر میں سنگین صورتِ حال سے خبردار کر چکے ہیں۔
