نئی دہلی : (ایجنسی)
عام آدمی پارٹی کی قومی کونسل کا اجلاس آج دہلی میں منعقد ہوا ، جس میں قومی ایگزیکٹو کے ارکان کا انتخاب کیا گیا۔ دہلی حکومت کی کابینہ کے تمام بڑے چہرے بشمول وزیراعلیٰ اروند کیجریوال ، راجیہ سبھا کے ارکان پارلیمنٹ ، پارٹی کے تمام بڑے لیڈر اور ترجمان ، عام آدمی پارٹی کے علاوہ اتراکھنڈ ، گجرات ، مہاراشٹر ، گوا اور پنجاب کے رہنما بھی بنائے گئے ہیں۔
قومی ایگزیکٹو ممبران:
1- اروند کیجریوال ، 2-منیش سسودیا ،3- ستیندر جین ،4- گوپال رائے ، 5-عمران حسین ، 6-راکھی برلان، 7- آتشی ، 8-درگیش پاٹھک ، 9-راگھو چڈھا ، 10-این ڈی گپتا ، 11-دلیپ پانڈے ، 12-سنجے سنگھ ، 13-پریتی مینن ، 14-پنکج گپتا ، 15-راجندر پال گوتم ، 16- دنیش موہنیا ، 17-گلاب سنگھ ، 18-کیپٹن شالنی سنگھ ، 19- عادل خان ، 20- بلجندر کور ، 21- امان اروڑا ، 22- ہرپال چیمہ ، 23- سربجیت کور ، 24- ڈاکٹر الطاف عالم ، 25- مہیش بالمیکی ، 26- نیلم یادو ، 27-وینزی ویگاس ، 28- ایشودان گنڈھوی ، 29- پرتھوی ریڈی ، 30- گوپال اٹالیہ ، 31- بھگونت مان ، 32- سشیل گپتا ، 33- کرنل اجے کوٹھیال ، 34- راہل مہامرے۔
عام آدمی پارٹی کی قومی کونسل کی میٹنگ میں وزیر اعلیٰ اروند کیجریوال نے کہا کہ گزشتہ ڈیڑھ دو سال سے پورا ملک اور دنیا اس صدی کی مشکل ترین وبا سے لڑ رہے ہیں۔ 1918 کے آس پاس ہسپانوی فلوآیا تھا، یہ اتنا ہی خطرناک تھا۔ اب 100 سال بعد اس قسم کی بیماری آئی ہے۔
انہوں نے کہا کہ وبا کے دوران عام آدمی پارٹی کی دہلی حکومت نے اپنی سطح پر بہت اچھی کوششیں کیں جس پر ہر طرف بحث ہو رہی ہے۔ یہ دہلی کے دو کروڑ عوام کی کوشش ہے۔ دہلی میں پہلی بار پلازمہ تھراپی کا استعمال کیا گیا ، دنیا کا پہلا پلازمہ بینک دہلی میں ہی کھولا گیا۔
