نئی دہلی : (ایجنسی)
میڈیا اداروں پر حکمراں جماعت کی گرفت اور غیر جانبدارانہ صحافت کرنے والے صحافیوں کے ساتھ ہونے والے سلوک دیکھنا چاہتے ہیں تو ’ آؤٹ لک ‘ میگزین کے گروپ ایڈیٹر ان چیف کے ساتھ کیا ہوا ، اس پر ایک نظر ڈالیں۔
’آؤٹ لک ‘ میگزین کے گروپ ایڈیٹر ان چیف روبن بنرجی 33 دنوں کی چھٹی کے بعد بدھ کو دفتر پہنچے، جوائن کیا اور سینئر ایڈیٹرز سے اگلی کور اسٹوری کے لئے’ اباجان اوریوگی‘ پر اسٹوری کرنے کو کہا۔
اس کے دو گھنٹے بعد انہیں نوکری سے برخاست کردیا گیا۔ کمپنی کےچیف ایگزیکٹیو اندر نیل رائے نے انہیں بے ضابطگی کے الزام میں نوکری سے نکال دیا۔
بنرجی نے’دی پرنٹ‘ میگزین کو بتایاکہ ’’میں نے 12 ستمبر کو کہا تھا کہ میری طبیعت ٹھیک نہیں ہے، لہٰذا میری چھٹی بڑھا دی جائے۔ ڈیوٹی جوائن کرنابے ضابطگی کب سے ہوگئی۔ ؟‘‘
چیف ایگزیکٹیو اندرنیل رائے کا کہنا ہے کہ وہ ’آؤٹ لک‘ میگزین کے ڈیجیٹل لانچ کے دوران غیر حاضر تھے، لیکن اس سے پہلے انہوں نے مان لیا تھا کہ بنرجی کی چھٹی کی درخواست منظور ہو چکی تھی ۔
انہوں نے بنرجی کو ایک میل لکھ کر کہا تھا کہ ’ وہ ان کی باتوں سے متفق نہیں ہے، لیکن ان مدعوںپر بات تب ہوگی جب وہ ٹھیک ہو جائیں گے اور دفتر جوائن کر لیں گے ۔
روبن بنرجی 2018 میں آؤٹ لک میگزین کے ایڈیٹر مقرر کئے گئے تھے۔ وہ 2019 میں میگزین کے چیف ایڈیٹر ، ’آؤٹ لک منی‘ اور ’ہندی آؤٹ لک ‘ کے چیف ایڈیٹر بنائے گئے۔ اس سال انہیں گروپ ایڈیٹر ان چیف بنا دیا گیا ۔
بنرجی نے ’دی پرنٹ‘ کو بتایا کہ اتنے پرموشن سے یہ صاف ہے کہ میں اپنے کام کے تئیں بہتر تھا۔ پریشانی میگزین کی مواد کو لے کر ہوئی۔ ہم جس طرح کے مواد شائع کررہے تھے ، انتظامیہ اس سے خوش نہیں تھا۔ انہوں نے پیگاسس اور ٹیٹر قوانین پر شائع مواد کی مثالیں دیں۔
لیکن چیف ایگزیکٹو رائے نے اس کی تردید کی اور دعویٰ کیا کہ ان پر اس کور سٹوری کے لیے کوئی دباؤ نہیں تھا ۔
کمپنی کے منیجنگ ڈائریکٹر سنیل مینن نے ایک ٹویٹ میں کہا کہ ‘یہ باب اب بند ہونا چاہیے۔ روبن بنرجی میرے آخری ایڈیٹر تھے ، شکریہ۔
لیکن مینن نے کہا کہ ان کا استعفیٰ نجی ہے اور یہ روبن بنرجی کے استعفیٰ کی وجہ سے نہیں ہے ۔ انہوں نے کہا کہ اس ادارے میں چیزیں جس سمت میں جا رہی ہے ، وہ خود کو اور اپنے اقدار کو اس کے موافق نہیں پاتے۔
بتادیں کہ ’ آؤٹ لک ‘ میگزین راجن رہیجا گروپ کاہے ، جس کے پہلے ایڈیٹر ونود مہتا نے 1995 میں شروع کیا تھا ۔ فی الحال اس گروپ میں ’ آؤٹ لک انگریزی ‘ ، آؤٹ لک ہندی‘ ،آؤٹ لک منی ‘، آؤٹ لک بزنس ‘ اور آؤٹ لک ٹریولر‘ ہے ۔
