اویسی فرماتے: ٹرمپ کی طرح مودی پاکستان میں گھس کر ممبئی حملے کے مجرموں کو واپس لائیں:

نئی دہلی: وینزویلا کے صدر نکولس مادورو کے اپنے ملک سے اغوا اور گرفتاری کے پس منظر میں جب الوطنی کے جذبہ سے سرشار اے آئی ایم آئی ایم کے سربراہ اسد الدین اویسی نے ایک بڑا عجیب وغریب مگر اہم بیان جاری کیا ہے۔ اویسی نے براہ راست پی ایم مودی سے یہ مطالبہ کیا ہے۔ انہوں نے یہاں تک مطالبہ کردیا کہ "مودی جی، آپ بھی کم نہیں ہیں، آپ پاکستان جائیں اور 26/11 کے دہشت گردانہ حملوں کے ماسٹر مائنڈ کو ہندوستان واپس لائیں، اور اپنا 56 انچ کا سینہ دکھائیں۔”ان کا یہ بیان سوشل میڈیا پر وائرل ہورہا ہے
اویسی نے کیا کہا
خبر کے مطابق ممبئی میں ایک جلسہ سے خطاب کرتے ہوئےاسد الدین اویسی نے کہا کہ آج ہم نے سنا کہ امریکی صدر ڈونلڈ ٹرمپ افواج بھیج کر وینزویلا کے جمہوری طور پر منتخب صدر نکولس مادورو کو ان کے ملک سے گرفتار کرکے امریکہ لے گئی۔اگر امریکی صدر ڈونلڈ ٹرمپ وینزویلا کے صدر نکولس مادورو کو ان کے ملک سے اغوا کر سکتے ہیں ،ڈعودی عرب یمن کورٹ پر بمباری کرسکتا ہے تو آپ یعنی وزیر اعظم مودی،امت شاہ بھی پاکستان فوج بھیج کر 26/11 کے دہشت گردانہ حملوں کے ماسٹر مائنڈ مسعود اظہر اور لشکر طیبہ کے ظالم شیطان کو بھارت واپس کیوں نہیں لا سکتے ہیں۔ آپ کسی سے کم نہیں مودی جی۔ اپنا 56 انچ سینہ دکھائیں۔”اویسی نے کہا کہ مودی جی، اگر آپ کا سینہ 56 انچ ہے تو آپ مسعود اظہر جیسے 26/11 کے مجرموں کو پاکستان سے ہندوستان کیوں نہیں لاتے؟ لشکر طیبہ جیسی دہشت گرد تنظیموں کا تذکرہ کرتے ہوئے انہوں نے کہا کہ ملک اب بھی ممبئی میں سینکڑوں بے گناہ لوگوں کو ہلاک کرنے والے دہشت گردوں کے خلاف انصاف کا انتظار کر رہا ہے۔
قابل ذکر ہے کہ اویسی کا بیان وینزویلا میں امریکہ کی طرف سے کی گئی حالیہ فوجی کارروائی کے تناظر میں آیا ہے۔ امریکی صدر ڈونلڈ ٹرمپ نے سوشل میڈیا پر دعویٰ کیا کہ امریکی اسپیشل فورسز نے ایک بڑی کارروائی میں صدر نکولس مادورو اور ان کی اہلیہ کو حراست میں لے کر امریکا لے گئے۔ ٹرمپ کے مطابق یہ کارروائی امریکی قانون نافذ کرنے والے اداروں کے تعاون سے کی گئی اور مادورو کو منشیات کی اسمگلنگ اور مجرمانہ سازش کے سنگین الزامات کا سامنا ہے۔ امریکی انتظامیہ نے یہ بھی کہا کہ مادورو کے خلاف امریکی عدالت میں مقدمہ چلایا جائے گا۔