نئی دہلی :
مغربی بنگال اور آسام میں دو مرحلے کی پولنگ ہوچکی ہے۔ جہاں تمام پارٹیاں مستقل طور پر اپنی اپنی جیت کے دعوے کررہی ہیں۔ وہیں اسٹارپرچارکوں کی موجودگی انتخابات میں ایک بڑا فیکٹر ہے۔ حالانکہ کانگریس نے ابھی تک مغربی بنگال میں انتخابی مہم کے لئے راہل گاندھی کو میدان میں نہیں اتارا ہے۔ اس پر بی جے پی کے ترجمان گورو بھاٹیہ نے جمعہ کو ایک ٹی وی ڈبیٹ میں طنز کیا ہے۔ تاہم کانگریس کی سپریا سرینیت نے بھی بھاٹیہ کو سخت جوابات دیتے ہوئے بی جے پی کے اسٹارپرچارکوں پر جھوٹ بولنے کا الزام لگایا ہے۔
بی جے پی کے ترجمان گورو بھاٹیہ نے بنگال انتخابات میں راہل گاندھی کی عدم موجودگی کا معاملہ اٹھاتے ہوئے کہا ،’آپ نے کہا تھا کہ مغربی بنگال میں انتخابی تشہیر کرنے جب جائیں گے جب ہماری سیٹوں پر انتخابات ہوں گے۔‘ اس کا مطلب یہ ہے کہ کانگریس کی سیاسی حیثیت یہ ہوگئی ہے کہ وہ فیز دیکھ کر اپنے اسٹار پرچارکوں کو بھیجتی ہے۔
بھاٹیہ نے مزید کہا کہ انتخابی تشہیری مہم کے لئے ایسا تونہیں ہے کہ راہل گاندھی نہیں جائیں ، یہ کانگریس پارٹی کی ریاستی اکائی کہہ رہی ہے۔کیونکہ اگر راہل گاندھی جائیں گے تو وہ کانگریس کو بہت نقصان پہنچائیں گے۔
اس پر کانگریس کی ترجمان سپریا سرینیت نے کہا ،’ملک کا مسئلہ بے روزگاری ہے۔ امت شاہ مغربی بنگال میں کہہ رہے ہیں کہ ہم پریوار کو سرکاری ملازمت دیں گے۔ جناب7 سال سے حکومت میں ہیں ، ملک میں سب کو سرکاری نوکری دیں۔ یوگی کیرل ، بنگال اور تمل ناڈو میں جا کر خواتین کےاحترام کیبات کر رہے ہیں۔ آپ کے لوگ جو یہاں عصمت دری ہوجانے پر سیاسی تحفظ دیتے ہیں۔ آپ کے ایم ایل اے قصوروار پائے جاتے ہیں۔ آپ کے لوگ آبروریزی کرتے ہیں۔ آپ کی تو میں نے بھکیا ادھیڑ دی تھی نا۔
جھانسا رام پھر الیکشن ہاریںگے
وہیں سپریا شرینیت نے کہا کہ پی ڈی پی کے ساتھ آپ اتحاد کرتے ہیں۔ آپ ہار سے بوکھلائے گئے ہیں ، اس لئے ای وی ایم چوری کررہے ہیں۔ کیو ں اتنا بوکھلا رہےہیں؟ پھینکو رام اور جھانسا رام جو داڑھی بڑھا کر گھوم رہے ہیں ،جتنی بھی کوشش کرلیں الیکشن نہیں جیت پائیں گے۔
