پی ایم مودی کا اپوزیشن پر حملہ ، کہا:’گائے کچھ لوگ لوگوں کے لئے گناہ ہو سکتی ہے لیکن ہمارے لئے ماتا ‘

وارانسی :(ایجنسی)

وزیر اعظم نریندر مودی جمعرات کو اتر پردیش کے وارانسی پہنچ گئے ہیں۔ یہاں انہوں نے کئی ترقیاتی منصوبوں کا افتتاح اور سنگ بنیاد رکھا۔ وارانسی پی ایم مودی کا پارلیمانی حلقہ بھی ہے۔ جلسے سے خطاب کرتے ہوئے وزیراعظم نے دودھ کے انقلاب کی بھی بات کی۔ انہوں نے کہا کہ پورا علاقہ آج کسانوں اور مویشی پالنے والوں کے لیے ایک بہت بڑے پروگرام کا گواہ بنا ہے۔

وزیر اعظم نریندر مودی نے ’بنارس ڈیری سنکول‘ کا سنگ بنیاد رکھا۔ اس موقع پر وزیر اعظم مودی نے کہا کہ اس سے ڈیری شعبہ مضبوط ہوگا، جوکہ حکومت کی اولین ترجیحات میں شامل ہے۔ انہوں نے کہا، ’’کچھ لوگوں نے ایسے حالات پیدا کر دئے ہیں کہ گائے، گوبر دھن کی بات کرنا گناہ ہو گیا ہے۔ گائے کچھ لوگوں کے لئے گناہ ہو سکتی ہے لیکن ہمارے لئے گائے ماتا ہے۔

وزیر اعظم نے کہا کہ حکومت ڈیری سیکٹر کو مضبوط کرنے کے لیے کام کر رہی ہے۔ انہوں نے کہا، ‘ہندوستان کے ڈیری سیکٹر کو مضبوط بنانا آج ہماری حکومت کی اولین ترجیحات میں سے ایک ہے۔ اسی پہت میں آج یہاں بناس کاشی سنکول کا سنگ بنیاد رکھا گیا ہے۔ انہوں نے بتایا، ‘آج ہندوستان ہر سال تقریباً ساڑھے 8 لاکھ کروڑ روپے کا دودھ پیدا کرتا ہے۔ یہ رقم ہندستان میں پیدا ہونے والی گندم اور چاول کی لاگت سے کہیں زیادہ ہے۔

پی ایم نے کہا کہ کچھ لوگوں نے گائے کی بات کرنا، گائے کے گوبر کی بات کرنا جرم بنا دیا ہے ۔ گائے کچھ لوگوں کے لیے گناہ ہو سکتی ہے، ہمارے لیے گائے ماتا ہے۔ گائے اور بھینس کا مذاق اڑانے والے یہ بھول جاتے ہیں کہ ملک کے 8 کروڑ خاندانوں کا ذریعہ معاش ایسے ہی مویشیوں سے چلتا ہے۔