2017 کے بعد 14واں موقع ہے جب وہ جیل سے باہر آیا ہے اور اس بار بھی سرسا ڈیرے میں قیام کرے گا
ریپ اور صحافی رام چندر چھترپتی قتل کیس میں عمر قید کی سزا کاٹ رہے ڈیرہ سچا سودا کے سربراہ گرمیت رام رحیم کو ایک بار پھر سرکار کی مہربانی سے جیل سے باہر آنے کا موقع ملا ہے ـ ۔اس بار گرمیت کو پورے 40دن کی پیرول ملی ہے۔ اس سے قبل 9 اپریل کو 21 دن کی فرلو ملی تھی۔ بار بار پیرول اور فرلو سے متعلق انتظامی فیصلوں پر پہلے بھی کئی بار سوالات اٹھ چکے ہیں۔ ایک بار کورٹ بھی پھٹکار لگا چکا ہے ـایک طرف لوگ بغیر کسی سزا کے جیل میں وید ہیں انہیں ضمانت تک نہیں مل رہی وہی۔ ریپ اور قتل جیسے سنگین جرم کے قیدیوں کو بار بار پیرول دی جارہی ہے
اطلاعات کے مطابق منگل کی صبح 7 بجے منہ بولی بیٹی ہنی پریت، ڈیرہ کے چیئرمین دان سنگھ، ڈاکٹر آر کے نین اور شرندیپ سنگھ سیٹو روہتک پہنچے اور رام رحیم کے ساتھ سرسا ڈیرہ کے لیے روانہ ہوئے۔ رام رحیم کی سالگرہ 15 اگست کو ہے اور اس بار پھر بابا اپنی سالگرہ جیل کے باہر منائے گا وہ وہاں رکشا بندھن بھی منائے گا
اس سال یہ تیسری پیرول
بی جے پی حکومت میں رام رحیم کو مسلسل فرلو اورپیرول مل رہی ہے ۔ حکومت ہمیشہ کہتی ہے کہ بابا کو جیل مینوئل کے مطابق چھٹی ملتی ہے۔ تاہم اس سال بابا رام رحیم کو تیسری بار جیل سے باہر آنے کی اجازت دی گئی ہے۔ اس سے پہلے فروری اور اپریل میں 21 دن کی فرلو دی گئی تھی۔ 2017 سے 2025 تک آٹھ برسوں میں اب تک بابا کو 14ویں بار پیرول اور فرلو ملی ہے۔قابل غوربات یہ ہے کہ سرسا ڈیرہ کے سربراہ رام رحیم کو 2017 میں سزا سنائی گئی تھی، تب سے بابا روہتک کی سناریا جیل میں بند ہے۔ جرنلسٹ چھترپتی قتل کیس کے علاوہ سادھوی جنسی استحصال کیس میں بابا کو سزا سنائی گئی ہےرام رحیم کو عموماً ان مواقع پر پرول یا فرلو دی جاتی ہے جب ہریانہ، پنجاب، راجستھان یا دہلی میں انتخابات کا موسم ہوتا ہے۔ اس پہلو نے کئی سیاسی جماعتوں اور تجزیہ نگاروں کو تشویش میں مبتلا کیا ہے کہ آخر اسے بار بار اتنی سہولتیں کیوں دی جا رہی ہیں
