جے پور:(ایجنسی)
جے ایل این ایجوکیشن کیمپس میں راجستھان مسلم ایجوکیشن سوسائٹی اور سانجھی وراثت منچ، جے پور کے زیراہتمام مشترکہ طور پر خانو خان بدھوالی کو دوسری بار راجستھان مسلم وقف بورڈ کا بلا مقابلہ صدر منتخب ہونے پر استقبالیہ پروگرام کاانعقاد کیا گیا۔
اس موقع پر آل انڈیا کانگریس کمیٹی اقلیتی شعبہ کے قومی کنوینر اور یوپی کانگریس اقلیتی شعبہ کے انچارج ڈاکٹر اعظم بیگ، مختلف اضلاع کے سماجی کارکنان اور جے پور شہر کے سینئر دانشور بڑی تعداد میں موجود تھے۔
اس موقع پر مہمان خصوصی خانو خان نے اپنی تقریر میں راجستھان میں اوقاف کی حیثیت اور گزشتہ سیشن میں ان کی طرف سے کئے گئے کاموں اور آنے والے دنوں میں اوقاف کی پوزیشن کو مزید مستحکم کرنے کے لیے تیار کیے جانے والے ایکشن پلان پر تفصیل سے روشنی ڈالی۔ صدارت کرتے ہوئے ڈاکٹر اعظم بیگ نے وزیر اعلیٰ اشوک گہلوت کا شکریہ ادا کرتےہوئے خانو خان کو مبارکبادی دی اپنے مضبوط ارادے کے لیے جانےوالے خانوخان کو مبارکباددیتے ہوئے کہاکہ یقینی ہی ان کے کام کےدوران وقف بورڈ آسمان کی بلندیوں کو چھو سکے گا اورہم سب مل کر وقف بورڈ کے ذریعہ تعلیمی ،سماجی، اقتصادی اور پیشہ وارانہ طور پر معاشرے کی ترقی کے لیے ایک مناسب اور موزوں ایکشن پلان بنا کر کام کریں گے۔
آخر میں اپنی تشکرانہ تقریرمیں تنظیم کی صدر ڈاکٹر فریدہ بیگ نے اس موقع پر موجودہ تمام مہمانوں کاشکریہ ادا کیا اوراپنے تاثرات میں وقف بورڈ کے ذریعہ خواتین کے لیے ایکشن پلان بنانے اور ان کی دستکاری کو تسلیم کرتے ہوئے اپیل کی۔ انہوں نے کہاکہ اوقاف کی جائیداد صرف خدا کی رضا کے لیے استعمال کی جائے۔ نشا چترویدی اور پرنسپل ایس بی سونی نے مہمانوں کو پھولوں کے ہار پہنا کر اور یادگاری نشانات دے کر ان کا اعزاز کیا۔
