مالدیپ:
سینما کی دنیا کو الوداع کہہ کر اداکارہ ثنا خان نے گجرات کے مولانا انس سعید سے شادی کرکے سب کو حیران کردیا تھا ۔ گزشتہ سال نومبر کو دونوں نے قریبی دوستوں اور رشتہ داروں کی موجودگی میں شادی کی تھی ۔ ثنا سوشل میڈیا پر کافی سرگرم رہتی ہیں اور اپنے شوہر کے ساتھ اکثر اپنی تصاویر اور ویڈیوز شیئر کرتی رہتی ہیں ۔ وہ اپنی نئی زندگی کا بھرپور لطف اٹھارہی ہے۔
حال ہی میں انہوں نے سوشل میڈیا پر ایک ویڈیو شیئر کیا ہے ، جس میں وہ مالدیپ میں چھٹیوں کے لیے جاتی دکھائی دے رہی ہے ۔ اس دوران ثنا کافی خوش نظر آرہی ہیں ۔ ثنا خان نے اپنے انسٹا گرام اکاؤنٹ پر یہ ویڈیو شیئر کیا ہے ۔ ویڈیو میں ثنا نے اپنے شوہر کے ساتھ وہائٹ اینڈ بلیک ٹویننگ کرتے ہوئے کپڑے پہن رکھے ہیں۔ وہ اپنی چھٹیوں کے بارے میں کافی پرجوش دکھائی دیتی ہے ۔ ویڈیو میں ایئر پورٹ سے لے کر سی پلین اور ان کے واٹر ولا کی کچھ تصاویر دکھائی دے رہی ہیں ۔ لیکن اس دوران بھی ثنا نماز پڑھنا نہیں بھولیں اور وہ اپنے شوہر کے ساتھ ایئرپورٹ پر ہی نماز ادا کرتی نظر آرہی ہیں ۔
خیال رہے کہ شادی کے بعد ثنا نے اپنا نام تبدیل کر کے سید ثنا خان رکھ لیا ۔ شادی کے بعد وہ دسمبر میں ہنی مون کے لیے کشمیر گئی تھیں اور یہاں سے بھی انہوں نے اپنی تصاویر اور ویڈیوز شیئر کئے تھے ۔
