ممبئی: (پریس ریلیز)
سعودی حکومت مبینہ طور پر کلمہ طیبہ کی گستاخی کا زبردست مجرم ہے آج مورخہ 18 دسمبر 2021 بروزہفتہ رضا اکیڈمی ممبئی کے مرکزی دفتر میں سعودی حکومت کے خلاف علماء اہل سنت کی احتجاجی میٹنگ ہوئی رضا اکیڈمی کے سربراہ الحاج محمد سعید نوری نے کہا موجودہ سعودی حکومت حد سے تجاوز کر رہی ہے ۔حرمین طیبین میں تقدس کی پا مالی نا قابل برداشت ہے۔ اسلامی سلطنت کہلانے والے سعودی حکومت اسلامی سلطنت نہیں ہے اس لئے اس حکومت کے فرمانروا اسلام کی حدوں کو پار کرنے پر تُلے ہوئے ہے، چنانچہ حالیہ واقعات سے پتا چلتا ہے سعودی حکومت ناچ، گانہ، فحش، جوا، شراب خانے، سنیما گھر جیسے منہیات شرعیہ کا مرتکب ہے لہٰذا اسے کسی بھی طرح سے اسلامی سلطنت کا نام نہیں دیا جا سکتا۔
در اصل یہ یہودی اور نصرانی طور طریقے پر کام کر رہی ہیں اس حکومت کا شریعت سے دور دور تک کوئی رستہ اور ناطہ نہیں ہے۔ آج علماء اہل سنت نے متفقہ طور پر اعلان کیا کہ سعودی حکومت اسلامی سلطنت نہیں ہے۔ رضا اکیڈمی مطالبہ کرتی ہے کہ سعودی حکومت اپنی پرچم سے کلمہ طیبہ کو فوراً ہٹا دےاسلام کے کلمے کی بے حرمتی برداشت نہیں کی جائے گی۔ رضا اکیڈمی دنیا بھر کے تمام اسلامی ممالک سے اپیل کرتی ہے کہ وہ سفارتی طور پر سعودی حکومت سے کلمہ طیبہ، حرمین شریفین کی بے حرمتی اور ارض حجاز کے تقدس کو پامال کرنے کے جرم میں اپنے سفارتی تعلقات منقطع کرلیں اور سارے تجارتی تعلقات چھوڑ دیں۔
ہالینڈ سے تشریف لائے مفتی یورپ علامہ مفتی شفیق الرحمن نے کہا موجودہ حکومت کے شاہ سلمان نے جب سے باگ دور سنبھالی ہے تب سے خرافات کا ایک لامتناہی سلسلہ شروع ہو گیا ہے جس سے صاف ظاہر ہے کہ سعودی حکومت صہونیوں کے اشارہ پر کام کر رہی ہے یہ نجدی حکومت جسے نہ اللہ و رسول کی پرواہ ہےاور نہ ہی خانہ کعبہ اور مدینہ منورہ کے تقدس کا پاس و لحاظ ہے اسے ہرگز اسلامی ریاست کہنا غلط ہے دراصل یہ یہودی ریاست ہے یہ یہودیوں کے اشارہ پر کام کر رہی ہے۔ ناچ گانہ، شراب، جوا، سنیما گھر ہر وہ خرافات جسے اسلام نے ناجائز و حرام قرار دیا ہے۔ شاہ سلمان وہی نا جائز و حرام کام کر رہا ہے تاکہ اس کے آقا یہود و نصاریٰ خوش ہو جائیں ویسے تو سواد اعظم اہل سنت و جماعت 1924 سے ہی اس حکومتی مخالفت کرتے آئے ہیں کیوں کہ یہ حکومت جبراً غصب کرکے بنائی گئی ہے۔ پوری دنیا کے مسلمان سعودی حکومت سے بیزار ہیں اس لئے کہ یہ حکومت اللہ و رسول کے فرمان کے مطابق عمل نہیں کر رہی ہے۔
مولانا غلام جیلانی فیضی پرنسپل دارالعلوم اہل سنت انصارالعلوم دھسواں بلرام پور یوپی نے کہا سعودی حکومت کا بہت جلد خاتمہ ہوگا اور عاشقان رسول کی حکومت قائم ہو گی۔ مولانا اصغر علی جامعی نائب پرنسپل دارالعلوم اہل سنت انصار العلوم دھسواں بلرام پور یوپی نے کہا کہ سعودی حکومت اسلام کے قانون سے بغاوت کرکے زیادہ دیر تک قائم نہیں رہ سکتی اس مقدس سر زمین پر وہی ہوگا جو اللہ و رسول کا فرمان ہے۔ مولانا خلیل الرحمن نوری نے تاریخ کے حوالے سے سعودی حکومت کو غاصب اور ظالم قرار دیا اور کہا پورے دنیا کے حالات تبدیل ہو رہے ہیں بہت جلد سعودی بھی زوال پزیر ہوگا اس لئے اللہ جس قوم کو تباہ و برباد کرنا چاہتا ہے وہ قوم گناہوں میں ملوث ہو جاتی ہے اور صفحہ ہستی سے اس کا وجود ختم کر دیا جاتا ہے عنقریب سعودی کے زوال کا وقت بھی آ گیا ہے۔ مولانا ظفرالدین رضوی، مولانا امان اللہ رضا، مولانا عباس رضوی نے خطاب کیا۔ مولانا عرفان علیمی، مولانا قمر رضا اشرفی، مولانا شہزاد رضا ، قاری نیاز دارالعلوم حنفیہ رضویہ قلابہ، کے علاوہ دیگر علماء و ائمہ موجود تھے۔
