لکھنؤ : (ایجنسی)
کورونا کی دوسری لہر کے بعد پردیش میں پہلی سے پانچویں کلاس تک کے اسکولوں میں آج سے کلاسز میں تعلیمی سیشن شروع ہوگیا۔ ریاستی سرکار نے اسکولوں میں بچوں کو کورونا سے بچانے کے لیے کووڈ پروٹوکول پر سختی سے عمل کرنے کے لیے ہدایایت دی ہیں۔ وہیں بچوں کے لیے اسکولوں میں صاف وصفائی سے لے کر تمام ضروری انتظامات کئے گئے ہیں ۔ آج بچوں میں زبردست جوش وخروش دیکھنے کو ملا۔ جبکہ سرپرستوں میں ابھی بھی خوف کا ماحول ہے ۔
وزیراعلیٰ یوگی نے کہا کہ وہ اسکول جو کورونا وبا کی وجہ سے گزشتہ سات ماہ سے بند تھے یکم ستمبر سے دوبارہ شروع ہو رہے ہیں۔ تمام بچوں کے لیے نیک خواہشات۔ انہوں نے تمام اساتذہ سے ایک عاجزانہ درخواست کی کہ وہ تمام بچوں کا خیال رکھیں۔ہر صورت میں کورونا پروٹوکول پر عمل کو یقینی بنانے میںاپنا کردار ادا کریں گے۔
بنیادی تعلیمی کونسل کے تقریباًایک کروڑ 80 لاکھ طلباء کو اس سال اسکول بیگ ،ا سکول یونیفارم ، جوتا -جرابیں اور سویٹر کے لیے نقد رقم دی جائے گی۔ بیسک ایجوکیشن ڈپارٹمنٹ نے اسکولوں کے مناسب آپریشن کے لیے مکمل انتظامات کرنے کا دعویٰ کیا ہے۔
