نئی دہلی "ہندوستان کے عوام کو آگے آنا چاہئے اور مودی حکومت کی نفرت انگیز سیاست کو مسترد کرنا چاہئے۔ ایس ڈی پی آئی آخری دم تک وقف ترمیمی بل کی سخت مخالفت کرے گی وہیں گاہوں کے قانون 1991 کو اس کی حقیقی روح کے ساتھ لاگو کیا جانا چاہیے۔
نئی دہلی کے جنتر منتر پر ایس ڈی پی آئی کے زیر اہتمام "جمہوریت بچاؤ، آئین بچاؤ” پروگرام میں کلیدی خطاب کے دوران ایس ڈی پی آئی کے نائب صدر محمد شفیع نے یہ بات کہی – اس پروگرام میں اقلیتوں کے حقوق کے تحفظ، عبادت گاہوں کے قانون کے نفاذ، وقف ترمیمی بل کو واپس لینے اور سنبھل میں متاثر ین کو انصاف دینے کا مطالبہ کیا گیا اس سانحہ میں چھ مسلم نوجوانوں کو پولیس نے گولی مار کر ہلاک کر دیا تھا۔محمد شفیع نے یہ بھی مطالبہ کیا کہ سنبھل میں فائرنگ کے واقعہ کے ذمہ دار پولیس اور ضلع انتظامیہ کو سزا دی جائے۔
سابق ممبران پارلیمنٹ عبید اللہ اعظمی اور لال منی پرساد، سپریم کورٹ کے وکیل بھانو پرتاپ اور تھول تھرومالاوان ایم پی، برجو نائک (لوک راج سنگٹھن )، آل انڈیا شیعہ مسلم بورڈ کے قومی نائب صدر مولانا ظہیر عباس، پرم ویر چکر فاتح کیپٹن عبدالحمید کے پوتے ڈاکٹر جاوید، ایس ڈی پی آئی کے نیشنل جنرل سکریٹریز محمد الیاس تھمبے ‘ یاسمین فاروقی اور ایس ڈی پی آئی مدھیہ پردیش کے ریاستی صدر ایڈوکیٹ ودیا راج مالویہ نے بھی خطاب کیا۔معروف مسلم رہنما اور سابق ایم پی مولانا عبیداللہ خاں اعظمی نے اپنے ولولہ انگیز خطاب میں کہا کہ ”بی جے پی لوگوں کے ذہنوں میں نفرت پیدا کرکے اقتدار میں آئی ہے اپنی پالیسیوں سے ملک میں انتشار پھیلارہی ہے۔ بی جے پی کا نعرہ ‘بٹیں گے تو کٹیں گے’ خود ظاہر کرتا ہے کہ وہ لوگوں کو تقسیم کرنے کے لیے نفرت اور تشدد پھیلا رہی ہے۔ جہاں بی جے پی لوگوں کو تقسیم کرنے میں لگی ہوئی ہے، ہم ملک کو ایک اور پرامن بنانے کے لیے لوگوں کو متحد کر رہے ہیں۔ انہوں نے اپنی تقریر میں زور دے کر کہا کہ ہمیں فرقہ واریت اور نفرت کی سیاست کے خلاف متحد ہونا ہوگا،”۔للمنی پرساد نے کہا کہ ہمارے ملک میں آئین پوری طرح سے لاگو نہیں ہوا۔ شہریوں کی ذمہ داری ہے کہ وہ آئین کے تحفظ اور سماجی انصاف کے قیام کے لیے قربانیاں دینے کو تیار رہیں۔
بھانو پرتاپ نے مودی حکومت کے خلاف جدوجہد کو دوسری آزادی کی جنگ قرار دیا۔ انہوں نے کہا، "ہم یہاں اپنی دوسری آزادی کی جنگ فاشسٹ حکومت کے خلاف لڑ رہے ہیں۔ ہماری لڑائی دھوکے باز بی جے پی اور مودی حکومت سے ہے جو ای وی ایم کی مدد سے ہمارے ملک کو لوٹ رہے ہیں۔” رکن پارلیمنٹ تھول تھرومالاوان نے کہا، "یہ حکومت شروع سے ہی آئینی اقدار کے بجائے فاشسٹ ایجنڈے کو آگے بڑھا رہی ہے۔ اس کی مخالفت کرنا اور آئین کا ہوری قوت کے ساتھ تحفظ وقت کی ضرورت ہے۔”
این ڈبلیو سی کے ارکان ظہیر عباس اور اظہر تمبولی، دہلی کے ریاستی صدر ڈاکٹر آئی اے خان، نائب صدر مسز شاہین کوثر، ریاستی سکریٹری محمد ہاشم ملک، ویمن انڈیا موومنٹ کی ریاستی صدر آسیہ سیفی اور ایس ڈی پی آئی دہلی کے ریاستی انچارج عبدالقادر بھی موجود تھے۔کارکنان تنظیم نے پروگرام کو کامیاب بنانے میں بڑی محنت کی .
پارٹی کے قومی سیکرٹری فیصل عزالدین نے شرکاء کا خیرمقدم کیا اور NWC کے رکن ڈاکٹر نظام الدین نے اختتام پر سب حاضرین کا تہہ دل سے شکریہ ادا کیا ـ (سورس:,پریس ریلیز)
