نئی دہلی:(ایجنسی)
نئی دہلی میں 24 گھنٹوں کے اندر کورونا وائرس کے 15097 نئے معاملے سامنے آئے ہیں۔ ریاست میں انفیکشن کی شرح اب 15.34 فیصد تک پہنچ گئی ہے۔ اس مہلک وائرس سے 6 اموات بھی ہوچکی ہیں۔ اس کے ساتھ ہی ایکٹیو کیسز بڑھ کر 31,498 ہو گئے ہیں۔
جمعرات کو جاری کردہ ہیلتھ بلیٹن کے مطابق، دہلی میں 15097 نئے کیس درج ہوئے ہیں۔ اس سے قبل 8 مئی 2021 کو کووڈ کے ایک ہی دن میں سب سے زیادہ کیس رپورٹ ہوئے تھے۔
نئے سال کے آغاز کے ساتھ ہی اعداد و شمار میں اچانک اضافہ دیکھنے میں آیا ہے۔ دہلی میں یکم جنوری کو 2796 معاملے سامنے آئے تھے، وہیں 2 جنوری کو 3194 معاملے، 3 جنوری کو 4099، 4 جنوری کو 5481، 5 جنوری کو یہ تعداد 10665 تھی اور آج 15097 تک پہنچ گئی ہے۔ اس سے قبل 29 دسمبر کو دہلی میں کورونا کے 923 معاملے درج ہوئے تھے۔ اس کے بعد 30 دسمبر کو 1313ٹ 31 دسمبر کو 1796 کیس آئے۔
کووڈ 19-کے بڑھتے ہوئے معاملات کے پیش نظر، دہلی حکومت نے اپنے نو اسپتالوں میں کووڈ بیڈز کو موجودہ 3,316 سے بڑھا کر 4,350 کرنے کا حکم دیا ہے۔
