نئی دہلی :
کورونا وبائی بحران کے مدنظر مرکزی حکومت نے پردھان منتری غریب کلیان انا یوجنا کے تحت اگلے دو ماہ کے لئے فی شخص کو 5 کلو گرام مفت اناج دینے کا اعلان کیا گیا ہے۔ یہ غریبوںکو اناج مئی اور جون 2021 میں دیئے جائیں گے۔ توقع ہے کہ مرکزی حکومت کے اس اقدام سے 80 کروڑ افراد کو فائدہ ہوگا۔ بتادیں کہ گزشتہ سال بھی لاک ڈاؤن کے دوران پردھان منتری غریب کلیان یوجنا کے تحت لوگوں میں اناج تقسیم کیے گئے تھے۔ وزیر اعظم نے جمعہ کے روز کہا کہ یہ بہت اہم ہے کہ غریبوں کو غذائیت سے بھرپور غذائی اجزاء ملیں ، جب ملک کورونا وائرس کی دوسری لہر کا سامنا کررہا ہے۔ مرکزی حکومت اس اسکیم پر 26 ہزار کروڑ روپے خرچ کرے گی۔
بتادیں کہ گزشتہ سال بھی اس طرح لاک ڈاون کے وقت میں پردھان منتری غریب کلیان یوجنا کے تحت لوگوں کو اناج تقسیم کئے گئے تھے ۔ وزیر اعظم مودی نے جمعہ کو کہا کہ یہ بہت اہم ہے کہ غریبوں کو تغذیہ بخش اناج ملے ۔ جب ملک کورونا وائرس کی دوسری لہر کا سامنا کررہا ہے ۔ مرکزی حکومت اس اسکیم پر 26 ہزار کروڑ روپے خرچ کرے گی ۔
وزیر اعظم نریندر مودی نے جمعہ کو کورونا کے خلاف لڑائی میں ریاستوں کی پوری مدد کرنے کی یقین دہانی کرائی اور کہا کہ اگر ہم ایک ملک کے طور پر کام کریں تو وسائل کی کوئی کمی نہیں ہوگی ۔ کورونا وائرس کی تازہ لہر میں سب سے زیادہ متاثرہ 10 ریاستوں کے وزرائے اعلی کے ساتھ تبادلہ خیال کرکے کورونا کی موجودہ صورتحال کا جائز لینے کے دوران وزیر اعظم نے کہا کہ پہلی لہر کے دوران مشترکہ کوششوں اور مشترکہ حکمت عملی سے ہندوستان نے کامیابی حاصل کی تھی اور اس فارمولہ پر کام کرتے ہوئے تازہ لہر سے بھی مقابلہ کیا جاسکتا ہے ۔
میٹنگ کے بعد وزیر اعظم دفتر کی جانب سے جاری ایک بیان کے مطابق وزیر اعظم مودی نے کہا کہ وائرس اس مرتبہ کئی ریاستوں کے ساتھ ہی ٹیئر 2 اور ٹیئر 3 شہروں کو بھی متاثر کررہا ہے ۔ انہوں نے اس وبا سے لڑئی کیلئے ساتھ مل کر کام کرنے اور اجتماعی طاقت سے مقابلہ کرنے کی اپیل کی ۔
بیان میں کہا گیا ہے کہ وزیر اعظم مودی نے ریاستوں کو اس لڑائی میں پوری مدد کرنے کی یقین دہانی کرائی اور کہا کہ مرکزی وزارت صحت سبھی ریاستوں سے مسلسل رابطے میں ہے ، حقیقی صورتحال کی لگاتار نگرانی کررہی ہے اور ساتھ ہی ساتھ وقتا فوقتا انہیں ضروری مشورے بھی دے رہی ہے ۔
