نئی دہلی:(ایجنسی)
وزیر اعظم نریندر مودی پیر کو ورلڈ اکنامک فورم کے ڈیووس ایجنڈے سے خطاب کر رہے تھے۔ اپنی تقریر کے دوران وہ چند لمحے رک گئے۔ اس پر سوشل میڈیا پر لوگوں نے طنز کرنا شروع کر دیا۔ کانگریس کے رکن پارلیمنٹ راہل گاندھی سے لے کر عام سوشل میڈیا صارفین نے اس ویڈیو پر اپنی رائے دینا شروع کردی۔
دراصل پی ایم نریندر مودی اس پلیٹ فارم پر اپنی بات رکھ رہے تھے۔ اس دوران انہوں نے کہا کہ ہم ہندوستانیوں کا مزاج… ہم ہندوستانیوں کا ٹیلنٹ… جس… اسی درمیان وہ کچھ دیر کےلیے رک گئے اورادھر-ادھر دیکھنےلگے۔ ان کےپروگرام کی یہ کلپ سوشل میڈیا پر وائرل ہو گئی۔ جس کے بعد ٹوئٹر پر #TeleprompterPM ٹٹرینڈ ہونے لگا۔
کانگریس کے رکن پارلیمنٹ راہل گاندھی نے پی ایم مودی پر طنز کرتے ہوئے لکھا کہ ایک ٹیلی پرامپٹر بھی ایسا جھوٹ برداشت نہیں کرسکتا۔ کانگریس کی ترجمان سپریا شرینٹ نے لکھا، ’ٹیلی پرامپٹرناکام، تقریر کا ڈھیر ۔‘ایس پی لیڈر آئی پی سنگھ نے پی ایم مودی کا یہ ویڈیو شیئر کیا اور لکھا – آج ریڈنگ مشین ٹیلی پرامپٹر نے دھوکہ دے دیا تو صاحب پسینہ پسینہ ہوگئے۔ بار بار نقل مت کرو عقل سے کام کرو، لیکن صاحب ہے کہ مانتے ہی نہیں۔
سابق آئی اے ایس سوریہ پرتاپ سنگھ نے تبصرہ کیا، ’اگر ٹیلی پرامپٹر بند ہوجائےتو آپ نے نہیں ہےاورسب سے پہلے تو آپ کو گھبرانا نہیں ہے۔‘ فلم میکرونود کاپڑی نے لکھا:’ دکھ یہ ہےکہ WEFایڈریس میں ٹیلی پرامپٹرفیل ہوتے ہی نریندرمودی ایک جملہ مطلب ایک لفظ تک نہیں بول پائےاوراس کےبعد کی ہکلاہٹ تواوربھی تکلیف دہ ہے۔ بھارت کے 140 کروڑ عوام کو آج معلوم چل گیاکہ وزیر اعظم نریندرمودی 8 سال سے پریس کانفرنس کیوں نہیں کررہےہیں۔
سنجے شرما نامی ایک ٹوئٹر صارف نے تبصرہ کیا ’ ٹیلی پرامپٹر 2 منٹ کے لیے بند ہو گیا اور مودی جی کا مذاق پورے ملک میں اڑ گیا۔ کئی لوگ اپنی نوکریوں سے ہاتھ دھو بیٹھیں گے۔‘ رنوجے سنگھ نامی صارف لکھتا ہے کہ مجھے لگتا ہے کہ کوئی بڑی سازش ہو رہی ہے۔ پرینکا بھارتی نامی ٹوئٹر صارف لکھتی ہیں – اب میں سمجھ گئی کہ پی ایم نریندر مودی پریس کانفرنس کیوں نہیں کرتے۔ ٹیلی پرامپٹر کا انتظام نہیں ہو سکتا۔
