امریکہ نے یو اے ای کو اسرائیل بائیکاٹ ممالک کی فہرست سے نکال دیا

‏‏‎ ‎‏‏‎ ‎|‏‏‎ ‎‏‏‎ ‎ متفرقات

امریکہ نےمتحدہ عرب امارات کو اسرائیل کا بائیکاٹ کرنے والے ممالک کی فہرست سے نکال دیا۔
امریکہ میں متحدہ عرب امارات کےسفارتخانے کی جانب سے جاری بیان میں کہا گیا ہے کہ یو اے ای نے اگست 2020 میں اسرائیل کا مالی بائیکاٹ ختم کر دیا تھا۔
یو اے ای سفارتخانے کے مطابق امریکی کمپنیوں کے لیے ابراہام معاہدوں سے فائدہ اٹھانے میں آسانی ہوگی۔
واضح رہے کہ گزشتہ برس ماہِ اگست میں متحدہ عرب امارات (یو اے ای) اور اسرائیل کے درمیان تعلقات کے لیے معاہدہ طے پایا تھا، دونوں ممالک کے درمیان سفارتخانہ کھولنے پر بھی اتفاق ہوا تھا۔
ولی عہد ابوظبی کا کہنا تھا کہ یو اے ای اور اسرائیل نے تعاون اور دوطرفہ تعلقات استوار کرنے کے لیے روڈمیپ پر اتفاق کیا ہے۔

قارئین سے ایک گزارش

سچ کے ساتھ آزاد میڈیا وقت کی اہم ضرورت ہےـ روزنامہ خبریں سخت ترین چیلنجوں کے سایے میں گزشتہ دس سال سے یہ خدمت انجام دے رہا ہے۔ اردو، ہندی ویب سائٹ کے ساتھ یو ٹیوب چینل بھی۔ جلد انگریزی پورٹل شروع کرنے کا منصوبہ ہے۔ یہ کاز عوامی تعاون کے بغیر نہیں ہوسکتا۔ اسے جاری رکھنے کے لیے ہمیں آپ کے تعاون کی ضرورت ہے۔