نئی دہلی:
کسی نے سوچا بھی نہیں ہوگا کہ کورونا وائرس کا قہر اتنی خطرناک صورتحال پیدا کردے گا۔ کورونا کے خلاف جنگ میں واحد ہتھیار اس کی ویکسین ہے ، لیکن ملک میں کئی ریاستیں اور اضلاع ایسے ہیں جہاں ویکسین کی کمی کی شکایات مل رہی ہیں۔
جولائی تک رہے گی ویکسین کی کمی : پونے والا
ادھر یکم مئی سے ملک میں ٹکیہ کاری پروگرام کا تیسری مرحلہ کے آغاز ہوچکا ہے۔ لیکن ویکسین کی کمی نے مہم کی رفتار تھوڑی کم کردی ہے۔ اسی درمیان آکسفورڈ اور اسٹاجینکا کی ویکسین کووی شیلڈ بنانے والی کمپنی سیرم انسٹی ٹیوٹ کے سی ای او آدار پونے والا نے بڑا بیان دیا ہے۔ انہوں نے کہاکہ جولائی تک ملک میں ویکسین کی کمی دیکھی جاسکتی ہے۔
ایک انگریزی میڈیا ویب سائٹ کی رپورٹ کے مطابق ، آدار پونے والا نے کہا کہ ایک دن میں 60-70ملین خوراکوں سے 100 ملین خوراکوں تک پروڈکٹ صلاحیت بڑھانے میں جولائی تک کا وقت لگ جائے گا ۔ ویکیسن کی کمی اس وقت ہو رہی ہے جب مرکز نے 18 سال کی عمر سے زیادہ لوگوں کو ویکسین لگانے کی منظور دے دی ہے۔
دوسری لہر جنوری میں آنے کی امید نہیں تھی
اس رپورٹ میں پونےوالا کے حوالے سے بتایا گیا ہے کہ حکام کو جنوری میں دوسری لہر کا سامنا کرنے کی امید نہیں تھی جب نئے کووڈ 19-معاملے میں گراوٹ آئی تھی ۔ ہر کسی کو لگنے لگا تھاکہ ملک نے کورونا کی پہلی لہر کو ہرا دیا ہے۔
سیرم انسٹی ٹیوٹ کو بدنام کرنے کی کوشش کی
اپنی کمپنی کا دفاع کرتے ہوئے، پونے والا نے کہا کہ ویکسین کی کمی کی وجہ سے سیاستدانوں اور ناقدین کی جانب سے سیرم انسٹی ٹیوٹ کو بدنام کرنے کی کوشش کی جارہی ہے۔ مزید ویکسین بنانے کے بارے میں ، آدار پونے والا نے کہا کہ ہمارے پاس پہلے سے کوئی آرڈر نہیں تھا ، ہم یہ نہیں سوچتے تھے کہ ہمیں ایک سال میں ایک ارب خوراکیں بنانی پڑیں گی۔
