نئی دہلی : (ایجنسی)
جب انسان اپنی خوراک میں غلط چیزیں شامل کرتا ہے تو یہ ڈوپامائن اور سیروٹونن جیسے نیورو ٹرانس میٹرس کے توازن کو متاثر کرتا ہے۔ ایک ریسرچ کے مطابق ہائی شوگر اورسچیرٹیڈ فوڈ مذکورہ ڈائٹ ہمارے ہپوکیمپس(دماغ کی ایک پیچیدہ ساخت)کے رویے کو تبدیل کرتا ہے۔ یہی وجہ ہے کہ ڈاکٹر دماغ سے متعلقہ مسائل کو متحرک کرنے والی چیزوں سے دور رہنے کا مشورہ دیتے ہیں۔
کیک یا کوکیز:
کیک ، کوکیز ، کریکرز اور کولڈ ڈرنکس جیسے ہائی شوگر فوڈہمارے دماغ کی ویسٹ لائن کے لیے بہت خطرناک ثابت ہو سکتے ہیں۔ اسی لیے ماہرین خاص طور پر پروسیسڈ فوڈ میں موجود ریفائنڈ شوگر کو خاص طر سے کم کرنے کامشورہ دیتے ہیں ۔ ان کی جگہ اگر آپ صحت مند پھلوں کااستعمال کریں تو بہتر ہوگا ۔
نمک کی زیادہ مقدار :
چپس ، پیزا ، کین سوپ اور پروسیسڈ میٹ میں سوڈیم کی مقدار بہت زیادہ ہوتی ہے جو دماغ کے خلیوں میں موجود ٹاؤپروٹین کے لیول کو غیر مستحکم کرسکتے ہیں ۔ ٹاؤ پروٹین کا بڑھتا لیول ڈیمنشیا کی بیماری کو بڑھاوا دیتا ہے۔ اسی لیے ڈاکٹر زیادہ نمک کے بجائے مصالحے یا موسمی فوڈ کھانے کی تجویز دیتے ہیں۔
پروسیسڈ میٹ :
ماہرین الزائمر کے خطرے سے بچنے کے لیے ایکسپارٹ پروسیسڈ میٹ سمیت تمام انفلومیٹری فوڈ سے دور رہنے کابھی مشورہ دیتےہیں ۔ پروسیسڈ میٹ کیمیکل ،ضرورت سے زیادہ نمک ،اسموک، خشک اور کیننگ جیسے کئی مراحل سے نکلنے کے بعد تیار ہو تاہے ۔
الکحل:
ماہرین کا کہنا ہے کہشراب میں موجود الکحل کا بہت زیادہ استعمال نیورو ٹرانس میٹرس کے توازن کو متاثر کر سکتا ہے اور ہمارے دماغ پر بہت برا اثر بھی ڈال سکتا ہے۔
وہائٹ بریڈ یا چاول :
تحقیق کے مطابق وہائٹ بریڈ یا سفید چاول کا بہت زیادہ استعمال لوگوں میں الزائمر کی پریشانی پیدا کرسکتی ہے جو جینیاتی طور پر اس کے شکار ہیں۔ انہیں بہت زیادہ کھانے سے پرہیز کرنا چاہئے ۔
