نئی دہلی:(ایجنسی)
اطلاعات و نشریات کی وزارت کی ویب سائٹ پر شائع سینٹرل میڈیا ایکریڈیٹیشن گائیڈلائنز-2022 میں نااہلی کی 10 شقیں شامل کی گئی ہیں۔ ان کی وجہ سے، کسی بھی صحافی کی پی آئی بی کی منظوری موضوعی تشریح سے متاثر ہو سکتی ہے۔
سینٹرل میڈیا ایکریڈیٹیشن گائیڈلائنز-2022 کو کئی صحافیوں کے گروپوں کے اس انداز پر سوال اٹھانے کے بعد لایا گیا ہے جس میں مرکزی حکومت نے تسلیم کرنے کے عمل کو من مانی طور پر تبدیل کیا تھا۔
دی وائر کی ایک رپورٹ کے مطابق ، جیسے ہی صحافیوں نے ان نئی ہدایات کے بارے میں ٹویٹ کیا، سوشل میڈیا پر بحث اس بات پر مرکوز رہی کہ ملک میں آزاد میڈیا کا گلا گھونٹنے کے لیے ان قوانین کو کس طرح استعمال کیا جا سکتا ہے۔
پریس انفارمیشن بیورو کے ذریعہ اعلان کردہ نئے ایکریڈیٹیشن رہنما خطوط کے تحت پہلی بار ڈیجیٹل میڈیا سے وابستہ صحافیوں کے لئے سرکاری منظوری کا آغاز کیا ہے۔ جس کے بعد ڈیجیٹل میڈیا سے وابستہ صحافیوں کی جانب سے کئی طرح کا رد عمل سامنے آرہا ہے۔
ایک سینئر سرکاری اہلکار نے بتایا کہ ایکریڈیٹیشن کے پورے عمل کو ہموار کر دیا گیا ہے۔ گرے زونز کو ہٹا دیا گیا ہے۔ قوانین میں پوری وضاحت ہے اور اس میں کسی قسم کی تاویل یا گڑبڑ کی گنجائش نہیں ہے۔ نئے قوانین اصلاحی ہیں۔ وہ پیشہ ورانہ کام پر توجہ مرکوز کر رہے ہیں۔ ڈیجیٹل میڈیا کو پوری پہچان دی گئی ہے جس کا پہلے فقدان تھا۔ تاریخ میں پہلی بار غیر ملکی میڈیا کو جے ویزا کی مکمل مدت کے لیے ایکریڈیشن ملے گا۔
اہلکار نے یہ بھی بتایا کہ ایک صحافی کو اس سے قبل چین کے لیے جاسوسی کے الزام میں گرفتار کیا گیا تھا لیکن اس کی منظوری منسوخ نہیں کی جا سکتی تھی کیونکہ اس میں کوئی انتظام نہیں تھا۔ ایک اہلکار نے نئی دفعات کی وضاحت کرتے ہوئے کہا کہ جنسی اور دیگر قابل شناخت جرائم کے کئی معاملات میں پہلے کوئی کارروائی نہیں کی جا سکتی تھی۔
اس کے علاوہ پہلی بار ایکریڈیٹیشن رولز خاص طور پر کام کرنے والے صحافی کو بیان کرتے ہیں جب کہ اب تک انہیں نمائندے کہا جاتا تھا۔
