جموئی(پریس ریلیز)
بزم تعمیر ادب ذخیرۂ جموئی کے جنرل سکریٹری اور معروف شاعر امان ذخیروی نے اطلاع دی ہے کہ گزشتہ روز زہرہ حسن ویلفیئر فاؤنڈیشن کے دفتر جموئی میں محبان اردو کی ایک نشست منعقد کی گئی، جس میں اردو ایکشن کمیٹی اکائی جموئی کے سلسلے میں غور و فکر کیا گیا۔ شرکاء اس نتیجے پر پہنچے کہ ایس ایم اشرف فرید اور فخرالدین عارفی کی قیادت میں اردو ایکشن کمیٹی حکومت سے اپنے مطالبات منوانے میں کامیاب رہے گی، اس لئے وقت کی ضرورت ہے کہ اردو ایکشن کمیٹی کا نفاذ ضلع میں ہو، چنانچہ پورے جمہوری طریقے سے جموئی ضلع اردو ایکشن کمیٹی کا نفاذ عمل میں آیا۔ منتخب عہدیداران اور اراکین کے نام مندرجہ ذیل ہیں۔
ڈاکٹر معصوم رضا امرتھوی- صدر، ایس ایم طیب اصغر- نائب صدر، ڈاکٹر سہیل انجم- نائب صدر، محمد نیاز انصاری- نائب صدر، حفظ الرحمٰن – جنرل سکریٹری ، امان الله خان المعروف امان ذخیروی- سکریٹری ، محمد ارشاد عالم خان- سکریٹری، مولانا محمد مسلم انصاری- سکریٹری ، محمد تنویر احمد خان- خازن ۔ان کے علاوہ 10 اراکین کا بھی انتخاب عمل میں آیا۔ نو منتخب صدر و جنرل سکریٹری اردو ایکشن کمیٹی اکائی جموئی نے اپنے مشترکہ بیان میں کہا کہ اردو ایکشن کمیٹی کے قیام سے جموئی ضلع میں اردو زبان و ادب کو فروغ حاصل ہوگا۔ اردو کو اس کا جائز حق دلانے کے لئے ہم پابند عہد ہیں۔
