ایران کے خلاف جنگ :اسرائیل کے ایرو انٹرسیپٹر ذخائر ختم ہو رہے ہیں،

اپینٹاگون نے اسرائیل کے میزائل دفاعی نظام کو مضبوط کیا ہے اور اب امریکی انٹرسیپٹر ذخائر میں کمی تشویش کا سبب بن رہی ہے: وال اسٹریٹ جنرل سے ایک امریکی عہدیدار نے کہا  ہے کہ اگر ایران کے ساتھ تنازعہ طوالت اختیار کرتا ہے تو  اسرائیل کو اپنے ایرو انٹرسیپٹر ذخائر میں کمی کا سامنا ہو سکتا ہے۔
اسٹریٹجک  اور انٹرنیشنل اسٹڈیز  مرکز کے دفاعی میزائل منصوبے کے ڈائریکٹر  ‘ٹام کراکو’نے بروز بدھ وال اسٹریٹ جنرل کے لئے جاری کردہ بیان میں کہا ہے کہ  ایرو انٹر سیپٹر  طویل المسافت بیلسٹک میزائلوں کے خلاف ایک اہم دفاعی ہتھیار ہیں  اور اگر ایران کے ساتھ جنگ  لمبی ہوتی ہے تو  اسرائیل کے ایرو انٹر سیپٹر ذخائر ختم ہو سکتے ہیں۔انہوں نے کہاہے کہ جون میں تنازعے میں شدّت آنے کے بعد، پینٹاگون نے خطے میں اضافی میزائل دفاعی نظام نصب کیے ہیں، لیکن امریکی انٹرسیپٹرذخائر میں تیزی سے کمی کی وجہ سے  خدشات میں اضافہ ہو رہا ہے واشنگٹن ،اسرائیل کے دفاع کو زمین، سمندر اور ہوا سے مضبوط کر رہا ہے اور اسے ایک طویل عرصے سے دفاعی نظام پر دباؤ کا علم  ہے۔کراکو نے کہا ہے کہ "نہ تو امریکہ سارا دن بیٹھ کر میزائل روک سکتا ہے اور اور نہ ہی اسرائیل”۔ایرو انٹرسیپٹر تیار کرنے والی صنعت ” اسرائیل ایرو اسپیس انڈسٹریز”  نے رپورٹ شدہ کمی پر تبصرہ کرنے سے انکار کر دیا ہے۔
اسرائیلی فوج نے ایک مختصر بیان میں کہا ہے  کہ "ہم،کسی بھی صورتحال سے نمٹنے کے لیے تیار ہیں لیکن بدقسمتی سے، ہم گولہ بارود سے متعلقہ معاملات پر تبصرہ نہیں کرسکتے” ۔