واراپ ڈیٹس: مجتبی خامنہ ای نا منظور، ایران کا لیڈر میں طے کروں گا، ٹرمپ، اسرائیل دھماکوں سے لرز اٹھا

امریکی صدر ڈونلڈ ٹرمپ نے کہا ہے کہ ایران کے سابق سپریم لیڈر کے بیٹے مجتبیٰ خامنہ ای کو جانشین بنانا قابل قبول نہیں۔
اپنے بیان میں ڈونلڈ ٹرمپ کا کہنا تھا کہ ایران کے نئے سپریم لیڈر کے انتخاب کے معاملے میں براہِ راست کردار ادا کرنا ہوگا  نے مزید کہا کہ مجتبیٰ خامنہ ای ہلکی شخصیت ہیں جو والد کی پالیسی جاری رکھیں گے، ان پالیسیوں سے اگلے پانچ سال میں دبارہ امریکا اور ایران تنازع ہوگا۔امریکی صدر کا کہنا تھاکہ وینزویلا کی طرح ایران میں بھی مجھے نئی قیادت کے انتخاب میں شامل ہونا ہوگا۔ڈونلڈ ٹرمپ کا کہنا تھا کہ مجتبیٰ خامنہ ای قبول نہیں، ایسا شخص چاہتے ہیں جو ایران میں امن اور بھائی چارہ لائے
ٹرمپ نے کہا ہے کہ ہم سب سے پہلے ایران کو ختم کرنا چاہتے ہیں، ہم لڑائی میں ایران سے زیادہ سنجیدہ ہیں۔
واشنگٹن میں میڈیا سے گفتگو میں ڈونلڈ ٹرمپ نے کہا کہ ہمارے پاس ایران پر حملے کے سوا کوئی چارہ نہیں تھا، ایران کی میزائل اور ڈرون صلاحیتوں کو ختم کیا جارہا ہے۔
•• ابو ظہبی میں بیلسٹک میزائل حملہ سے آئل ریفائنری میں آگ، سعودی عرب بھی حملے کی زد میں
ایران کے گلف پر حملے جاری ہیں خبر کے مطابق ابوظہبی میں دنیا کی مشہور یاس مرینا کے اوپر دھواں اُٹھتا ہوا دیکھا گیا ہے کیونکہ ایران نے یو اے ای پر ایک اور ڈرون حملہ کیا ہے۔دبئی میں عوام سائرن بجتے ہی محفوظ مقامات پر پہنچ گئے ہیں کیونکہ ایرانی حکومت نے اسرائیل، امریکہ اور مشرق وسطیٰ میں اس کے اتحادیوں کو شدید نشانہ بنانے کا سلسلہ جاری رکھا ہوا ہے۔دبئی، ابوظہبی اور فجیرہ میں وارننگ جاری کیے گئے ہیں، جن میں مقامی عوام اور سیاحوں کو محفوظ رہنے کیلئے خبردار کیا گیا ہے جب کہ یو اے ای کی جانب سے 131 خودکش ڈرونز کی بیراج کے بعد اسے بیالسٹک میزائل اور 6 ڈرون سے نشانہ بنایا گیا تھا۔
•••ایران کا جوابی حملہ: خلیج فارس میں امریکی ٹینکرتباہ
ایرانی بحریہ کے جنگی دستوں نے خلیجِ فارس میں ایک امریکی ٹینکر کو تباہ کردیا ہے۔عالمی میڈیا رپورٹ میں ایران کے سرکاری ٹیلی وژن کے مطابق ملکی بحریہ کے جنگی دستوں نے آج خلیجِ فارس کے شمالی حصے میں ایک امریکی ٹینکر کو نشانہ بنایا ہے
•••حزب اللہ کی طرف سے اسرائیلی فوجی مقامات پر حملے
حزب اللہ نے لبنان بھر میں جاری اسرائیلی حملوں کے جواب میں آج بروز جمعرات اسرائیل کے شمال میں فوجی مقامات پر راکٹ فائر کرنے کا اعلان کیا ہے۔لبنانی گروپ نے جاری کردہ بیان میں کہا ہے کہ”حزب اللہ کے عسکریت پسندوں نے جلیلہ کے مختلف علاقوں میں راکٹوں کی بارش کے ذریعے اہداف کو نشانہ بنایا ہے۔
•••آخر کار بھارت نے خامنہ ای کے انتقال پر اظہار تعزیت کیا
بھارت نے ایران کے سپریم لیڈر آیت اللہ علی خامنہ ای کے انتقال پر سوگ کا اظہار کیا ہے۔ دہلی میں ایرانی سفارت خانے نے علی خامنہ ای کی موت کے بعد اپنا جھنڈا نصف کر دیا، جو اسرائیل اور امریکہ کے حملوں میں مارے گئے تھے۔ہندوستانی حکومت کی جانب سے سکریٹری خارجہ وکرم مصری نے جمعرات کو نئی دہلی میں ایرانی سفارت خانے میں تعزیتی رجسٹر پر دستخط کیے اور ایران کے سپریم لیڈر کو خراج عقیدت پیش کیا۔
•••جنگ ستمبر تک طویل ہونے کا امکان ہے: پولٹیکو
امریکی ویب سائٹ پولٹیکو نے انکشاف کیا ہے کہ امریکہ کی وزارت دفاع پینٹاگان کو یہ توقع ہے کہ ایران کے ساتھ جاری تنازعہ 100 دن سے زائد عرصے تک جاری رہ سکتا ہے اور اس کا دائرہ کار آئندہ ستمبر تک پھیل سکتا ہے۔ اس صورتحال کے پیش نظر اسرائیل کے ساتھ مشترکہ کارروائیوں کے لیے فوجی انٹیلی جنس کی مدد مزید بڑھائی جا رہی ہے۔