ہم کئی معاملوں میں بھارت سے بہتر ہیں، امت شاہ کچھ نہیں جانتے : بنگلہ دیش

ڈھاکہ:
بنگلہ دیش کے وزیر خارجہ اے کے عبد المومن نے یہ بات اس وقت کہی جب ان سے بنگلہ اخبار’ آنند بازار ‘میں شائع امت شاہ کے انٹرویو کے بارے میں پوچھا گیا تھا۔ امت شاہ نے اس انٹرویو میں کہا تھا کہ بنگلہ دیش کے غریب لوگ ہندوستان آتے ہیں کیونکہ ان کے پاس وہاں مناسب کھانا نہیں ہوتا ہے۔ بنگلہ دیش کے وزیر خارجہ اے کے عبد المومن نے کہا ہے کہ بھارت کے وزیر داخلہ امت شاہ کو ان کے ملک کے بارے میں بہت کم معلومات ہیں۔ ان کا دعویٰ ہے کہ بہت سے معاملات میں ہم ہندوستان سے بہتر ہیں۔
امت شاہ نے اس انٹرویو میں کہا تھا کہ بنگلہ دیش کے غریب لوگ ہندوستان آتے ہیں کیونکہ ان کے پاس وہاں مناسب کھانا نہیں ہوتا ہے۔ شاہ نے کہا کہ یہ دراندازی بی جے پی کے بنگال آنے کے بعد مکمل طور پر ختم ہوجائے گی۔ یاد رہے کہ بی جے پی بنگال پر قبضہ کرنے کی پوری کوشش کر رہی ہے۔ امت شاہ اور پارٹی صدر جے پی نڈا خود وزیر اعظم مودی کے ساتھ ریلیاں نکال رہے ہیں۔ بنگلہ دیش سے دراندازی کو روکنا ان کا ایجنڈا ہے۔
مومن نے شاہ کے بیان پر اعتراض کرتے ہوئے کہا کہ ایسا بیان قابل قبول نہیں ہے۔ اس سے دونوں ممالک کے تعلقات کو متاثر کیا جاسکتا ہے۔ ان کا دعویٰ ہے کہ بنگلہ دیش میں اب کوئی بھوک سے نہیں مرتا ہے۔ مومن کے مطابق ہندوستان میں پچاس فیصد سے زیادہ افراد کے پاس بیت الخلا نہیں ہے ، جبکہ ان کے ملک میں 90 فیصد لوگ نسبتاً صاف ستھرا ٹوائلٹ استعمال کرتے ہیں۔ بنگلہ دیش کے وزیر خارجہ نے اعتراف کیا کہ ان کے ملک میں تعلیم یافتہ افراد کے لئے ملازمتیں کافی نہیں ہیں ، لیکن کم تعلیم یافتہ افراد کے لئے روزگار کے بہت مواقع موجود ہیں۔ ہندوستان کے ایک لاکھ سے زیادہ لوگ ان کے ملک میں آکر کام کرتے ہیں۔ مومن نے کہا کہ ان کے لوگوں کو روزگار کے لئے ہندوستان نہیں جانا پڑتا۔ انہوں نے کہا کہ امت شاہ نے جو کہا وہ سراسر غلط ہے۔ مومن نے کہا کہ دنیا میں بہت سے لوگ ہیں جو چیزوں کو دیکھ کر نظرانداز کرتے ہیں۔چیزوں کو جان کر نہ سمجھنےکی کوشش کرتے ہیں۔ ہندوستان کا وزیر داخلہ بھی ان میں سے ایک ہے۔ سب کچھ جانتے ہوئے ،وہ غلط بیانی سے کام لے رہے ہیں۔ وہ اپنے ملک کی صورتحال سے بخوبی واقف ہیں۔ پہلے وہ ان میں بہتری لائیں۔