شاہ رخ کے پاس ایسا کیا ہے جس سے امیتابھ محروم ہیں؟

ممبئی :

بالی ووڈ اداکاروں میں شاہ رخ خان اپنی حاضر جوابی کے حوالے سے کافی مشہور ہیں۔ اس کا مظاہرہ تو اکثر وبیشتر دیکھنے میں آتا ہے لیکن ’کافی ود کرن‘ کے 2005 میں پہلے سیزن کے دوران ایک قسط میں میں انھوں نے اپنی شخصیت میں موجود مزاح کے اس عنصر کا بھرپور مظاہرہ کیا۔

ہوا یوں کہ شاہ رخ خان اس شو میں بالی ووڈ کے شہنشاہ امیتابھ بچن کے ساتھ شریک ہوئے، ان دنوں شاہ رخ اپنی فلم ’میں ہوں نا‘ کو پروموٹ کررہے تھے جبکہ امیتابھ بچن بھی اپنی ریلیز ہونے والی فلم ’بلیک‘ کی تشہیر میں مصروف تھے۔

پروگرام کے سیگمنٹ ریپڈ فائر کے دوران دونوں میں سے کسی نے بھی اسکینڈلز پر مبنی سوالوں پر غیر واضح جواب دینے یا اسے نظر انداز کرنے کی کوشش نہ کی۔

تاہم جب پروگرام کے میزبان کرن جوہر نے امیتابھ سے پوچھا کہ اپنی کسی ایسی چیز کا نام بتائیں جو کہ شاہ رخ کے پاس نہ ہو۔ جس پر امیتابھ نے جواب دیا میرا قد، جبکہ انھوں نے یہ بھی کہا کہ شاہ رخ کی سوچنے کی تیز صلاحیت ان کے پاس نہیں ہے۔

جب شاہ رخ کی باری آئی تو انھوں نے ایک انتہائی پرمزاح جواب دیا، ان سے بھی اس چیز کے بارے میں پوچھا گیا جو امیتابھ بچن کے پاس نہ ہو، تو انھوں نے جواب دیا، ایک قد آور بیوی جو کہ امیتابھ کے پاس نہیں ہے۔

تاہم انھوں نے اس جواب کو ذرا نرم کرنے کے لیے، میرے خیال میں، کا اضافہ کیا۔

انھوں نے مزید کہا کہ امتیابھ بچن کے پاس کون بنے کروڑ پتی ایک ایسی چیز ہے، ان کی خواہش ہے کہ یہ ان کے پاس بھی ہوتی۔