جب راجدیپ سردسائی نے پاترا سے کہا شٹ اپ!!

نئی دہلی :
ہمیشہ اپنے بیانوں کو لے کر میڈیا کی سرخیوں میں رہنے والے بی جے پی کے قومی ترجمان سمبت پاترا کی ایک ویڈیو سوشل میڈیا پر خوب وائرل ہورہی ہے ۔ جس پر صارفین بھی جم کر اپناتبصرہ دے رہے ہیں۔ اس وائرل ویڈیو کو سمبت پاترا نے خود اپنے ٹویٹر اکاؤنٹ پر شیئر کیا ہے۔ جو انڈیا ٹو ڈے کی لائیو ڈبیٹ کے بحث کی ہے۔ ڈبیٹ کے دوران شو کے اینکر راجدیپ سردسائی نے بی جے پی کے لیڈر سمبت پاترا کو بری طرح سے ڈاٹ دیا۔ ویڈیو میں راجدیپ سردسائی سمبت پاترا کو ’شٹ اپ‘ کہتے ہیں۔
در اصل مغربی بنگال میں اسمبلی انتخابات کے تحت آٹھویں اور آخری مرحلے کی پولنگ ختم ہونے کے بعد مختلف نیوز چینلوں و ایجنسیوں نے جمعرات شام کو ایگزٹ پول کے نتائج جاری کردئے ، جس کو لے کر تمام ٹی وی چینلوں پر ڈبیٹ شو رکھا گیا ۔اسی طرح کاایک ڈبیٹ شو انڈیا ٹو ڈے پر بھی رکھا گیا تھا جس میں تمام سیاسی لیڈروں کے ساتھ سمبت پاترا بھی شامل ہوئے تھے۔
بی جے پی کے ترجمان سمبت پاترا کے اپنے ٹویٹر اکاؤنٹ پر شیئر کی گئی ویڈیو میں راجدیپ سردسائی ان پر ناراض ہوتے نظر آرہے ہیں۔ ویڈیو میں سمبت پاترا اپنی پارٹی کی حمایت کرتے ہوئے نظر آ رہے ہیں۔ اسی وقت ، اینکر راجدیپ سردیسائی کہتے ہیں – ’آپ پرسنل نہیں جانا شٹ اپ !!
بحث کے اس حصے کی ویڈیو شیئر کرتے ہوئے سمبت پاترا نے کیپشن میں لکھا ،’اتنی مایوسی کیوں؟‘ سمبت پاتراکی یہ ویڈیو اب سوشل میڈیا پر بہت وائرل ہو رہی ہے ، جس پر صارفین بھی جم کر رد عمل کا اظہار کررہے ہیں۔