کیجریوال پنجاب کے سی ایم بنیں گے؟دہلی میں اس ریاست کے ایم ایل ایز کی میٹنگ طلب

نئی دہلی:دہلی اسمبلی انتخابات میں عام آدمی پارٹی کو عبرتناک شکست کا سامنا کرنا پڑا ہے۔  انتخابی شکست کے بعد، AAP کے قومی کنوینر اروند کیجریوال کل دہلی میں پنجاب کے ایم ایل ایز کے ساتھ میٹنگ کرنے والے ہیں۔  دہلی راجوری گارڈن سے بی جے پی ایم ایل اے منجندر سنگھ سرسا نے اس پر سخت ردعمل دیا ہے۔  سرسا نے  کیجریوال پر کئی سنگین الزامات لگاتے ہوئے بڑا دعویٰ کیا ہے۔ا نہوں نے کہا کہ الیکشن ہارنے کے بعد اروند کیجریوال نے دہلی میں پنجاب کے ایم ایل ایز کی میٹنگ بلائی ہے۔  رپورٹس بتاتی ہیں کہ وہ بھگونت مان کو ہٹاکر وزیر اعلیٰ کے عہدے سے ہٹانے کی کوشش کر سکتے  ہیں سرسا نے کہا کہ وہ (کیجریوال) خواتین کو 1000 روپے دینے کے اپنے وعدے کو پورا کرنے میں ناکام رہے ہیں۔  منشیات کے استعمال کو روکنے میں ناکام رہے ۔  پنجاب کے حالات ابتر ہیں۔  اس کے ساتھ ہی سرسا نے کہا، ‘اب اروند کیجریوال بھگونت مان کو ہٹانا چاہتے ہیں۔  وہ اپنے ایم ایل اے کو یہ کہہ رہے ہیں کہ کیجریوال ایک ‘اچھے آدمی’ ہیں اور انہیں وزیر اعلیٰ بنایا جانا چاہیے!
واضح رہے کہ  کیجریوال نے پنجاب کے تمام AAP ایم ایل اے کو کل دہلی طلب کیا ہے۔  وہ دہلی کے کپورتھلہ ہاؤس میں ان کے ساتھ میٹنگ کریں گے۔  اس دوران دہلی میں انتخابی شکست اور پنجاب میں حکومت چلانے کے بارے میں بات کر سکتے ہیں۔دریں اثنا کجریوال کی پنجاب کے AAP ایم ایل ایز کے ساتھ ملاقات کو لے کر کئی قیاس آرائیاں کی جا رہی ہیں
مگر بی جے پی کے اس دعوے پر ابھی تک عام آدمی پارٹی کی طرف سے کوئی ردعمل سامنے نہیں آیا ہے۔