گجرات فساد گودھرا سانحہ کا غصہ تھا:امت شاہ

نئی دہلی :(ایجنسی)

سپریم کورٹ نے گجرات فسادات سے متعلق کیس میں وزیر اعظم نریندر مودی کی کلین چٹ کو برقرار رکھا ہے۔ ذکیہ جعفری کی کلین چٹ کے خلاف درخواست خارج کر دی گئی ہے۔ اس معاملے پر مرکزی وزیر داخلہ امت شاہ نے خصوصی انٹرویو دیتے ہوئے کہا کہ نریندر مودی پر الزام لگانے والوں کو معافی مانگنی چاہیے۔

امت شاہ نے گجرات فسادات پر کہا ہے کہ وزیر اعظم نریندر مودی پر لگائے گئے تمام الزامات غلط ہیں۔ انہوں نے کہا کہ پی ایم مودی نے ہمیشہ قانون کی حمایت کی ہے۔ فساد کی اصل وجہ ٹرین کو جلانا تھا۔ انہوں نے کہا کہ میں نے بچی کو ماں کی گود میں جلتے ہوئے دیکھا تھا۔ فسادات کے بعد میں خود اسپتال میں تھا۔ چاروں طرف لاشیں پڑی تھیں۔

فسادات میں مسلمان تو مارے گئے نا ؟

امت شاہ نے کہا کہ فسادات کی جڑ گودھرا ٹرین کو جلادینا تھا۔ 16 دن کی بچی ،60 لوگوں کو جلتےمیں نے دیکھا ہے ۔ میںنے اپنے ہاتھوں سے آخری رسومات ادا کی ہیں۔ اس کے بعد جو فسادات ہوئے وہ سیاست سے متاثرتھے۔

جب سوال کیا گیا کہ فسادات میں مسلمان مارے گئے تھے نا؟ اس پر امت شاہ نے کہاکہ جس طرح سے 60 لوگوں کو زندہ جلا دیا تھا اس کا سماج میں غم وغصہ تھا۔ جب تک فسادات نہیں ہوئے تب تک کسی نے اس کا کریٹیزم بھی نہیں کیا۔ بی جے پی کو چھوڑ کر اس وقت پارلیمنٹ چل رہی تھی، کسی نے تنقید نہیں کی، کانگریس پارٹی کا کوئی بیان نہیں تھا۔

خبر رساں ایجنسی اے این آئی کو دیئے گئے انٹرویو میں امت شاہ نے کہا کہ فسادات کے دوران انتظامیہ میں جو لوگ تھے انہوں نے اچھا کام کیا۔انہوں نے کہاکہ واقعہ کے بعد جو لوگوں میں غصہ تھا، اس کے بعد کیا ہوگا ،اس کی خبر کسی کو نہیں تھی۔

امت شاہ نے مزید کہا کہ ناناوتی کمیشن نے بھی مودی کو کلین چٹ دے دی تھی۔ انہوں نے عدالتی عمل میں ہماری مدد کی۔ ایس آئی ٹی نے ہم سے تحقیقات میں تعاون کے لیے کہا، ہم نے کیا۔ انہوں نے کہا کہ کوئی بھی شخص انصاف کے دائرے سے باہر نہیں ہے۔

امت شاہ نے کہا کہ عدالتی عمل کے خلاف احتجاج ٹھیک نہیں ہے۔ انہوں نے کہا کہ مجھے بھی جیل میں ڈالا گیاتھا، لیکن میں کہتا تھا کہ میں غلط نہیں ہوں، یہ سیاسی طور پر محرک ہے۔ امت شاہ نے کہا کہ پارٹی میرے ساتھ ہے، مجھے اس کا یقین تھا۔ میری پارٹی اور میرے لیڈر پر الزامات تھے اس لیے جھوٹ کا مقابلہ کرنا ضروری تھا۔

امت شاہ نے کہا کہ جن ریاستوں میں آج بی جے پی کی حکومت ہے، وہاں پہلے بھی دوسری پارٹیوں کی حکومت تھی۔ آپ لوگ اعداد و شمار نکالیں اور دیکھیں کہ کس کے دور حکومت میں فسادات کم ہوئے۔ فسادات سے بی جے پی کو فائدہ پہنچانے کے سوال پر امت شاہ نے کہا کہ اپوزیشن کا الزام بالکل غلط ہے۔ اگر ایسا ہوتا تو ہم مزید فسادات برپا کرتے۔

کئی این جی اوز معاملے کو طول دینا چاہتی ہیں: امت شاہ

مرکزی وزیر داخلہ نے کہا کہ پی ایم مودی نے اس بات کو یقینی بنانے کے لئے بہت کچھ کیا کہ اس وقت فسادات نہ پھوٹیں۔ انہوں نے کہا کہ جو صورتحال بن گئی تھی اسے سنبھالنے میں کچھ وقت لگ گیا تھا۔ امت شاہ نے کہا کہ جو سیاسی جماعتیں اس معاملے میں این جی او کو فنڈ فراہم کر رہی تھیں وہ اس معاملے کو طول دینا چاہتی ہیں تاکہ نریندر مودی پر الزامات کا سلسلہ جاری رہے۔ میں نے ان پر جھوٹے الزامات لگاتے ہوئے دیکھا ہے، پھر بھی میں نے مودی کو صبر سے کام لیتے دیکھا ہے۔ 18 سال بعد آج وہ بھی جیتتے نظر آئے ہیں۔

امت شاہ نے کہا کہ مرکز اور ریاستوں کے درمیان جو تال میل ہونا چاہئے وہ موجودہ وقت میں ٹھیک ہے۔ اگنی پتھ اسکیم کے خلاف تشدد کی خبروں پر، انہوں نے کہا کہ امن و امان کو سنبھالنا ریاستوں کا کام ہے۔

بتا دیں کہ سپریم کورٹ نے 2002 کے گجرات فسادات میں اس وقت کے وزیر اعلیٰ نریندر مودی کو کلین چٹ دینے والی ایس آئی ٹی کی رپورٹ کے خلاف دائر درخواست کو خارج کر دیا ہے۔ یہ درخواست ذکیہ جعفری کی جانب سے دائر کی گئی تھی۔ عدالت نے ایس آئی ٹی کی جانچ رپورٹ کو درست مان لیا ہے۔ ذکیہ جعفری سابق رکن اسمبلی احسن جعفری کی اہلیہ ہیں۔ جسٹس اے ایم کھانولکر، جسٹس دنیش مہیشوری اور جسٹس سی ٹی روی کمار کی بنچ نے یہ فیصلہ دیا۔