نئی دہلی :(ایجنسی)
نئی دہلی کے لٹین زون میں مظاہرے کے لیے اب لوگوں کو آدھار کارڈ اور دیگر شناختی کارڈ ساتھ لانے ہوں گے۔ تب ہی مظاہرے کی اجازت ہوگی۔ یہ شرائط سماج دشمن عناصر کے خلاف شکنجہ کسنے کے لیے کی لگائی جا رہی ہیں۔ اس کے علاوہ احتجاجی مقام کے انٹری پوائنٹ پر ہی مظاہرین کی ویڈیو گرافی کی جائے گی۔ امراجالا کی رپورٹ کے مطابق نئی دہلی ضلع کی ڈی سی پی امروتھا گگولوتھ نے ایک حالیہ میٹنگ میں یہ حکم دیا ہے۔
نئی دہلی ضلع کے ایک سینئر عہدیدار نے کہا کہ جب منتظم احتجاج کی اجازت لینے کے لیے آتے ہیں تو انہیں کم از کم ایک گھنٹہ پہلے مظاہرین کی فہرست دینا ہوگی۔ چار رضاکاروں کے نام بھی بتانے ہوں گے جو احتجاجی گیٹ پر کھڑے ہو کر بتائیں گے کہ وہ ان کے احتجاجی ہیں۔ رضاکاروں کے کہنے کے بعد ہی مظاہرین مظاہرہ کر سکیں گے۔ آدھار کارڈ اور شناختی ثبوت انٹری پوائنٹ پر ہی دکھانا ہوگا۔ اگر کسی کے پاس یہ دستاویزات نہیں ہیں تو انہیں مظاہرے میں شرکت کی اجازت نہیں ہوگی۔
سماج دشمن عناصر کی نشاندہی میں آسانی ہوگی
پولیس کے اس قدم سے احتجاج میں زیادہ مظاہرین کو شامل ہونے سے روکا جاسکےگا۔ پولیس نے جتنے مظاہرین کو اجازت دی ہے، وہ مظاہرے میں شرکت کر سکیں گے۔ زیادہ بھیڑ نہیں ہوگی۔ اس کے ساتھ ساتھ مظاہرے میں ملوث سماج دشمن عناصر اور شرپسندوں کو روکا جائے گا۔ اب اگر شرپسند عناصر مظاہرے میں شامل ہوتے ہیں تو پولیس کی اس نئے قواعد سے ان لوگوں کی شناخت میں آسانی ہوگی۔ اگر احتجاج کے دوران کوئی اشتعال انگیزی کرتا ہے اور اس سے فساد ہوجاتے ہیں تو پولیس کے اس نئے قدم سے ملزم کی شناخت کرنا آسان ہوگی۔
