نئی دہلی :(پریس ریلیز)
آج 30 جون 2022 جمعرات کے روزماہ ذی الحجہ کا چاند ہندوستان کے اکثر مقامات سے عام رویت کی اطلاع ملی ہے،لہٰذا مرکزی رویت ہلال کمیٹی جامع مسجد دہلی کے اجلاس میں فیصلہ کیا گیا کہ یکم ذی الحجہ 1 جولائی 2022 بروز جمعہ ہے۔ اور 10 ذی الحجہ (عید قرباں) 10 جولائی 2022 اتوار کے روز ہے ۔
اور یہ کہ دیگر کمیٹیوں نے بھی تصدیق کی ہے۔آج بعد نماز مغرب رئویت ہلال کمیٹی امارت شرعیہ ہند کی میٹنگ مولانا حکیم الدین قاسمی ناظم عمومی جمعیۃ علماء ہند کے زیر صدارت، امارت شرعیہ ہند کے مرکزی دفتر ۱۔بہادر شاہ ظفر مارگ نئی دہلی میں منعقد ہوئی۔ چاند دیکھنے کا اہتمام کیا گیا،دہلی میں مطلع ابر آلود تھا،اس لیے یہاں چاند نظر نہیں آیا،البتہ ملک کے مختلف مقامات مثلاً انجار گجرات، چنئی، ہوجائی آسام، ارریہ ، بائسی ، پورنیہ بہار،اسلام پور دیناج پور وغیرہ سے رویت کی متعدد معتبر اطلاعات موصول ہوئی ہیں: ۔
اس لئے رئویت ہلال کمیٹی امارت شرعیہ ہند اعلان کرتی ہے کہ29کی رویت شرعاً ثابت ہوگئی ہے ۔ کل بتاریخ یکم جولائی 2022ء بروزجمعہ ماہ ذی الحجہ1443ھ کی پہلی تاریخ ہوگی۔
شاہی امام مسجد فتحپوری دہلی مولانا ڈاکٹر مفتی محمد مکرم احمد صدر فتحپوری رویت ہلال کمیٹی نے اعلان فرمایا آج29ذیقعدہ کو عیدالاضحی کا چاند نظر آگیا۔ بیرون دہلی سے ذی الحجہ کے چاند کی عام رویت کی تصدیق ہوگئی، لہٰذا یکم ذی الحجہ بروزجمعہ یکم جولائی کو ہوگی اور عیدالاضحی 10جولائی2022بروز اتوار کوہوگی۔
